ಪಂಜಾಬಲ್ಲಿ ಉಗ್ರ ಜಾಲ ಬಯಲು: ಇಬ್ಬರ ಬಂಧನ, ಸ್ಫೋಟಕ ವಶ

ಚಂಡೀಗಢ: ಪಾಕಿಸ್ತಾನಿ ಗುಪ್ತಚರ ಸಂಸ್ಥೆ ಐಎಸ್‌ಐ ಬೆಂಬಲಿತ ‘ಬಬ್ಬರ್ ಖಾಲ್ಸಾ ಇಂಟರ್ನ್ಯಾಷನಲ್’ ಭಯೋತ್ಪಾದಕ ಜಾಲವನ್ನು ಭೇದಿಸಿರುವ ಪಂಜಾಬ್‌ ಪೊಲೀಸರು ಇಬ್ಬರು ಶಂಕಿತ ಉಗ್ರರನ್ನು ಬಂಧಿಸಿದ್ದಾರೆ. ಬಂಧಿತರನ್ನು ಗುರ್ದಾಸ್‌ಪುರದ ಆಕಾಶ್ ಮಸಿಹ್ ಮತ್ತು ಜಬ್ಲಾನ್ ಎಂದು ಗುರುತಿಸಲಾಗಿದೆ. ಇಬ್ಬರೂ ಕ್ರಿಮಿನಲ್ ಹಿನ್ನೆಲೆ ಹೊಂದಿದ್ದು, ಪಂಜಾಬ್‌ನಲ್ಲಿ ಶಾಂತಿ ಕದಡುವ ನಿಟ್ಟಿನಲ್ಲಿ ಭಾರಿ ಪ್ರಮಾಣದ ಭಯೋತ್ಪಾದಕ ದಾಳಿ ನಡೆಸಲು ಸಂಚು ರೂಪಿಸುತ್ತಿದ್ದರು ಎಂದು ಆರೋಪಿಸಲಾಗಿದೆ. ಬಂಧಿತರಿಂದ ಗ್ರೆನೇಡ್‌, ಡಿಟೋನೇಟರ್‌, 1 ಕೆಜಿ ಸ್ಫೋಟಕ ಸಾಮಾಗ್ರಿ ಹೊಂದಿದ್ದ ಸುಧಾರಿತ ಬಾಂಬ್‌ ಸೇರಿ ವಿವಿಧ ಸ್ಫೋಟಕ ಮತ್ತು ಸಾಧನಗಳನ್ನು ವಶಪಡಿಸಿಕೊಳ್ಳಲಾಗಿದೆ.