ಕೆಪಿಎಸ್‌ಸಿ ನೇಮಕಾತಿ ಅಕ್ರಮಕ್ಕೆ ಮತ್ತೊಂದು ತಿರುವು: ಸಂದರ್ಶನಕ್ಕೂ ಮುನ್ನ ಅಭ್ಯರ್ಥಿಗೆ 13 ಬಾರಿ ಕರೆ ಮಾಡಿದ್ದ ಶಾಂತ ಹೊಸಮನಿ!

ಬೆಂಗಳೂರು: ಕೆಪಿಎಸ್‌ಸಿ ಸದಸ್ಯೆ ಡಾ. ಶಾಂತಾ ಹೊಸಮನಿ ಹಾಗೂ KASಗೆ ಆಯ್ಕೆಯಾದ ಅಭ್ಯರ್ಥಿ ನಡುವೆ ಮೇ 8ರ ಸಂದರ್ಶನಕ್ಕೂ ಮುನ್ನ 13 ಬಾರಿ ದೂರವಾಣಿ ಕರೆ ನಡೆದಿರುವುದು ಸಿಐಡಿ ತನಿಖೆಯಲ್ಲಿ ಬೆಳಕಿಗೆ ಬಂದಿದೆ. ಅಭ್ಯರ್ಥಿಯಿಂದ 8 ಹಾಗೂ ಹೊಸಮನಿ ಅವರಿಂದ 5 ಕರೆಗಳು ನಡೆದಿವೆ. ಅಭ್ಯರ್ಥಿ, ವೈದ್ಯೆಯಾಗಿರುವ ಹೊಸಮನಿ ಅವರಿಂದ ಸಲಹೆ ಪಡೆಯಲು ಸಂಪರ್ಕಿಸಿದ್ದಾಗಿ ಹೇಳಿಕೊಂಡಿದ್ದಾರೆ. ಆದರೆ ಕರೆಗಳಲ್ಲಿ ಏನು ಚರ್ಚಿಸಲಾಗಿತ್ತು ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. CDR, ವಾಟ್ಸಾಪ್ ಹಾಗೂ ಇ-ಮೇಲ್‌ಗಳನ್ನು ಸಿಐಡಿ ಪರಿಶೀಲಿಸುತ್ತಿದೆ. KAS ನೇಮಕಾತಿಯಲ್ಲಿ ಅಕ್ರಮದ ಆರೋಪದ ಹಿನ್ನೆಲೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಅಂತಿಮ ಆಯ್ಕೆಪಟ್ಟಿ ಪ್ರಕಟಣೆಗೆ ಹೈಕೋರ್ಟ್ ತಡೆ ನೀಡಿದೆ. ಪ್ರಕರಣದ ತನಿಖೆ ಮುಂದುವರಿದಿದೆ.