Breaking News

ಆಶ್ರಯ ಕೊಟ್ಟಿದ್ದೇ ಮುಳುವಾಯ್ತು: ವೈದ್ಯರ ಮನೆಯಲ್ಲಿ 800 ಗ್ರಾಂ ಚಿನ್ನ ಲೂಟಿ, ಡಬಲ್ ಮರ್ಡರ್‌ಗೆ ಸ್ಕೆಚ್ ಹಾಕಿದ್ದಾಕೆ ಅರೆಸ್ಟ್

ತುಮಕೂರು: ಮನೆ ಕೆಲಸಕ್ಕೆಂದು ಬಂದು ವೈದ್ಯರ ಕುಟುಂಬದ ವಿಶ್ವಾಸ ಗಳಿಸಿದ್ದ ಮಹಿಳೆಯೊಬ್ಬಳು 800 ಗ್ರಾಂಗೂ ಅಧಿಕ ಚಿನ್ನ ಹಾಗೂ ವಜ್ರದ ಆಭರಣ ಕದ್ದಿರುವ ಆರೋಪ ಕೇಳಿಬಂದಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಸ್ನೇಹಾ (24) ಮತ್ತು ಸೌಮ್ಯ ಎಂಬ ಇಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ. ಎರಡು ವರ್ಷಗಳ ಹಿಂದೆ ಆಶ್ರಯ ನೀಡಿದ್ದ ವೈದ್ಯ ದಂಪತಿಯ ಮನೆಯಲ್ಲಿ ಸ್ನೇಹಾ ಕೆಲಸ ಮಾಡುತ್ತಿದ್ದಳು. ಲಾಕರ್‌ಗಳ ಕೀಗಳನ್ನು ಕದ್ದು ಕಳೆದ ಆರೇಳು ತಿಂಗಳಿಂದ ಚಿನ್ನಾಭರಣ ಕಳವು ಮಾಡಿ ಸೌಮ್ಯ ಮೂಲಕ ಮಾರಾಟ ಮಾಡಿದ್ದಳು ಎನ್ನಲಾಗಿದೆ. ಕದ್ದ ಹಣದಲ್ಲಿ ಕಾರು, ಬೈಕ್, ಆಟೋ ಸೇರಿದಂತೆ ಹಲವು ವಸ್ತುಗಳನ್ನು ಖರೀದಿಸಿದ್ದಳು. ಕಳ್ಳತನ ಬಯಲಾಗುವ ಭೀತಿಯಿಂದ ವೈದ್ಯರ ತಾಯಿ ಮತ್ತು ಮಗುವಿಗೆ ವಿಷವಿಟ್ಟು ಕೊಲೆ ಮಾಡಿ, ಕಳ್ಳರ ಕೃತ್ಯವೆಂದು ಬಿಂಬಿಸಲು ಸಂಚು ರೂಪಿಸಿದ್ದಳು ಎಂಬ ಆರೋಪವೂ ಕೇಳಿಬಂದಿದೆ. ಪೊಲೀಸರು ಕಾರು, ಬೈಕ್‌ಗಳು, ಆಟೋ ಸೇರಿದಂತೆ ಹಲವು ವಸ್ತುಗಳನ್ನು ವಶಪಡಿಸಿಕೊಂಡು ತನಿಖೆ ಮುಂದುವರಿಸಿದ್ದಾರೆ.

Share News

About BigTv News

Check Also

5 ಗ್ರಾಂ ಚಿನ್ನದ ಉಂಗುರಕ್ಕೆ ಸಂಸಾರ ಸರ್ವನಾಶ! ಕಳೆದೋದ ಉಂಗುರಕ್ಕಾಗಿ ಗಂಡ ಹೆಂಡತಿ ಬಲಿ!

ಬಾಗಲಕೋಟೆ: ಕಳೆದುಹೋದ ಚಿನ್ನದ ಉಂಗುರದ ವಿಚಾರವಾಗಿ ಗಂಡ-ಹೆಂಡತಿ ನಡುವೆ ನಡೆದ ಜಗಳ ದುರಂತ ಅಂತ್ಯ ಕಂಡಿದೆ. ಮುಧೋಳ ತಾಲೂಕಿನ ಕುಳಲಿ …

Leave a Reply

Your email address will not be published. Required fields are marked *