ನೋಡೋಕೆ ಮೊಬೈಲ್​​ ಫ್ಲಿಪ್​ ಕವರ್, ಒಳಗೆ ಇದ್ದಿದ್ದು ಚಿನ್ನದ ಬಿಸ್ಕೆಟ್..!

ಮುಂಬೈ: ಅಕ್ರಮವಾಗಿ ಗೋಲ್ಡ್​ ಹಾಗೂ ಇನ್ನಿತರ ವಸ್ತುಗಳನ್ನ ಸಾಗಿಸಲು ಖದೀಮರು ನಾನಾ ಐಡಿಯಾಗಳನ್ನ ಉಪಯೋಗಿಸ್ತಾರೆ ಈಗಾಗಲೇ ಹಲವು ಸಲ ಬಹಿರಂಗೊಂಡಿದೆ. ಇದಕ್ಕೀಗ ಹೊಸದೊಂದು ಸಾಕ್ಷಿ ದೊರಕ್ಕಿದ್ದು, ಗೋಲ್ಡ್​ ಬಿಸ್ಕೆಟ್​ಗಳನ್ನು ಮೊಬೈಲ್​ ಫ್ಲಿಪ್​ ಕವರ್​ನಲ್ಲಿ ಇಟ್ಟುಕೊಂಡು ವಿದೇಶಕ್ಕೆ ಹಾರಲು ಹೊರಟಿದ್ದ, ವ್ಯಕ್ತಿಯೊಬ್ಬನನ್ನ ಮುಂಬೈ ಛತ್ರಪತಿ ಶಿವಾಜಿ ಇಂಟರ್​ನ್ಯಾಷನಲ್​​ ಏರ್​ಪೋರ್ಟ್​ನ ಪೊಲೀಸರು ಬಂಧಿಸಿದ್ದಾರೆ.ಜಿತೇಂದ್ರ ಸೋಲಾಕಿ ಎಂಬ ವ್ಯಕ್ತಿ ಮೊಬೈಲ್​​ ಫ್ಲಿಪ್​ ಕವರ್​ನಲ್ಲಿ ಥೇಟ್​ ಮೊಬೈಲ್​ ರೀತಿಯಲ್ಲೇ ಕಾಣುವಂತೆ ಮೂರು ಚಿನ್ನದ ಬಿಸ್ಕೆಟ್​ಗಳನ್ನ ಅಡಗಿಸಿ ಸಾಗಿಸುತ್ತಿದ್ದ. ಆತನ ಮೇಲೆ ಶಂಕೆ ವ್ಯಕ್ತಪಡಿಸಿ, ಸಿಬ್ಬಂದಿ ಪರಿಶೀಲನೆ ಮಾಡಿದಾಗ ಈ ಪ್ರಕರಣ ಬೆಳಕಿಗೆ ಬಂದಿದೆ. ಇನ್ನು ಆತನಿಂದ 87 ಲಕ್ಷ ಮೌಲ್ಯದ 2 ಕೆಜಿಗೂ ಅಧಿಕ ತೂಕದ ಚಿನ್ನದ ಬಿಸ್ಕೆಟ್​ಗಳನ್ನ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.