ರಫೇಲ್​​ ಡೀಲ್​ ಬಗ್ಗೆ ತನಿಖೆಯಾದ್ರೆ ಮೋದಿ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ’

ರಫೇಲ್​​ ಡೀಲ್​ ಬಗ್ಗೆ ತನಿಖೆಯಾದ್ರೆ ಪ್ರಧಾನಿ ನರೇಂದ್ರ ಮೋದಿ ಅದರಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಆರೋಪ ಮಾಡಿದ್ದಾರೆ.ನಾಗ್ಪುರ ಬಳಿ ಅಂಬಾನಿ ಅವರ ಭೂಮಿ ಇರುವುದರಿಂದ ಹೆಚ್​ಎಎಲ್​​ ಬದಲು ರಿಲಯನ್ಸ್​ ಡಿಫೆನ್ಸ್​ ಸಂಸ್ಥೆಯನ್ನ ಆಯ್ಕೆ ಮಾಡಿಕೊಳ್ಳಲಾಯಿತು ಎಂದು ಇತ್ತೀಚೆಗೆ ಡಸ್ಸಾಲ್ಟ್​ ಏವಿಯೇಷನ್​​ ಹೇಳಿತ್ತು. ಆದ್ರೆ ಈ ಹೇಳಿಕೆಯನ್ನ ನಿರಾಕರಿಸಿರುವ ರಾಹುಲ್ ಗಾಂಧಿ, ಹೆಚ್​ಎಎಲ್​​ ಬಳಿ ಇನ್ನೂ ಹೆಚ್ಚಿನ ಭೂಮಿ ಇದ್ದರೂ, ಅಂಬಾನಿ ಅವರ ಸಂಸ್ಥೆಯನ್ನೇ ಆಯ್ಕೆ ಮಾಡಿಕೊಳ್ಳಲಾಗಿದೆ ಎಂದು ಹೇಳಿದ್ದಾರೆ.ಡಸ್ಸಾಲ್ಟ್​​ ಏವಿಯೇಷನ್​ನ ಸಿಇಓ ಎರಿಕ್ ಟ್ರಾಪಿಯರ್​​, ರಫೇಲ್​ ಒಪ್ಪಂದದ ಬಗ್ಗೆ ಸುಳ್ಳು ಹೇಳ್ತಿದ್ದಾರೆ. ಡಸ್ಸಾಲ್ಟ್​ ಸಂಸ್ಥೆ ಅನಿಲ್​ ಅಂಬಾನಿಗಾಗಿ ಭೂಮಿ ಖರೀದಿಸಿದ ಬಳಿಕ ರಿಲಯನ್ಸ್​ ಡಿಫೆನ್ಸ್​ ಸಂಸ್ಥೆಯನ್ನು ಪಾಲುದಾರರಾಗಿ ಮಾಡಿಕೊಂಡಿದೆ ಎಂದು ರಾಹುಲ್ ಗಾಂಧಿ ಆರೋಪಿಸಿದ್ದಾರೆ. ಅಂಬಾನಿ ಅವರ ಬಳಿ ಭೂಮಿ ಇರುವುದರಿಂದ ಹೆಚ್​ಎಎಲ್​​ಗೆ ಕಾಂಟ್ರಾಕ್ಟ್​ ನೀಡಲಿಲ್ಲ ಎಂದು ಡಸ್ಸಾಲ್ಟ್​ ಸಿಇಓ ಹೇಳಿದ್ದರು. ಆದ್ರೆ ಅನಿಲ್​ ಅಂಬಾನಿ ಬಳಿ ಇದ್ದ ಭೂಮಿಯನ್ನ ಡಸ್ಸಾಲ್ಟ್​​ ನೀಡಿರುವ ಹಣದಿಂದಲೇ ಖರೀದಿಸಲಾಗಿದೆ ಎಂದು ರಾಹುಲ್ ಗಾಂಧಿ ಅರೋಪ ಮಾಡಿದ್ದಾರೆ.ಇದೇ ವೇಳೆ ಪ್ರಧಾನಿ ಮೋದಿ ವಿರುದ್ಧ ವಾಗ್ದಾಳಿ ನಡೆಸಿದ ರಾಹುಲ್ ಗಾಂಧಿ, ಇದು ಮೋದಿ ಹಾಗೂ ಅನಿಲ್ ಅಂಬಾನಿ ನಡುವಿನ ಪಾರ್ಟ್‌ನರ್‌ಶಿಪ್‌ ​ಎಂದು ಹೇಳಿದ್ರು. ಒಂದು ವೇಳೆ ಈ ಬಗ್ಗೆ ತನಿಖೆ ನಡೆದರೆ, ಗ್ಯಾರಂಟಿ ಹೇಳ್ತೀನಿ ಮೋದಿ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಯಾಕಂದ್ರೆ ಒಂದು ಅವರ ಭ್ರಷ್ಟಾಚಾರ, ಮತ್ತೊಂದು ಡಿಸಿಷನ್ ಮೇಕರ್​ ಯಾರು ಅನ್ನೋದು ಇಲ್ಲಿ ಸ್ಪಷ್ಟವಾಗಿದೆ. ಅದು ನರೇಂದ್ರ ಮೋದಿ. ಅನಿಲ್​ ಅಂಬಾನಿಗೆ ₹30 ಸಾವಿರ ಕೋಟಿ ನೀಡಲು ನರೇಂದ್ರ ಮೋದಿ ಮಾಡಿರುವ ಡೀಲ್ ಇದು ಎಂದು ರಾಹುಲ್ ಗಾಂಧಿ ಆರೋಪಿಸಿದ್ರು.