ಮುಂದಿನ ವರ್ಷ ಎಟಿಎಂ ಬಳಕೆದಾರರಿಗೆ ಬಿಗ್​ ಶಾಕ್​..

ನವದೆಹಲಿ : ಮುಂದಿನ ವರ್ಷ ಎಟಿಎಂ ಬಳಕೆದಾರರು ಮತ್ತೆ ಪರದಾಡುವ ಸ್ಥಿತಿ ಎದುರಾಗಲಿದೆ. ಯಾಕಂದ್ರೆ ದೇಶದಲ್ಲಿ ಈಗಿರುವ ಎಟಿಎಂಗಳ ಪೈಕಿ ಅರ್ಧದಷ್ಟು ಎಟಿಎಂಗಳನ್ನು ಬಂದ್​ ಮಾಡುವ ಸಾಧ್ಯತೆ ದಟ್ಟವಾಗಿದೆ. ದೇಶದಲ್ಲಿ ಈಗ ಸುಮಾರು 2,38,000 ಎಟಿಎಂಗಳಿದ್ದು, ಈ ಪೈಕಿ ಸುಮಾರು 1,13,000 ಎಟಿಎಂಗಳ ಬಾಗಿಲುಗಳು ಬಂದ್​ ಆಗಲಿವೆಯಂತೆ. ಮುಂದಿನ ಮಾರ್ಚ್​ನೊಳಗೆ ಎಟಿಎಂ ಶಾಕ್​ ಹೊಡೆಯಲಿದ್ದು, ದೇಶದ ಜನರು ತೀವ್ರ ಸಂಕಷ್ಟಕ್ಕೆ ಒಳಗಾಗಲಿದ್ದಾರೆ. ಎಟಿಎಂಗಳನ್ನ ಬಂದ್​ ಮಾಡುವ ಬಗ್ಗೆ ಎಟಿಎಂ ಉದ್ದಮೆಯ ಒಕ್ಕೂಟವೇ ತಿಳಿಸಿದೆ.ಕಾರಣ ಏನು..?ಎಟಿಎಂ ಹಾರ್ಡ್‌ವೇರ್‌ ಮತ್ತು ಸಾಫ್ಟ್​ವೇರ್​ಗಳನ್ನು ಮೇಲ್ದರ್ಜೆಗೇರಿಸುವಂತೆ ಈಗಾಗಲೇ ಕೇಂದ್ರ ಸರ್ಕಾರ ಸೂಚನೆ ನೀಡಿರುವುದು ಪ್ರಮುಖ ಕಾರಣವಾಗಿದೆ. ಜೊತೆಗೆ ಗುತ್ತಿಗೆದಾರರಿಗೆ ಕೇಂದ್ರ ಗೃಹ ಖಾತೆ ನೀಡಿರುವ ಕೆಲವು ಮಾರ್ಗದರ್ಶಿಗಳು, ಹಾಗೂ ಹಣ ತುಂಬುವ ಕ್ಯಾಸೆಟ್‌ ಸ್ವಾಪ್‌ ಕುರಿತ ಸೂಚನೆ ದೇಶದಲ್ಲಿ ಎಟಿಎಂಗಳನ್ನು ಬಂದ್​ ಮಾಡಲು ಕಾರಣಗಳಾಗಿವೆ.