ಲಂಡನ್​ನ ಐಷಾರಾಮಿ ಮನೆ ಕಳೆದುಕೊಳ್ತಾರಾ ಮಲ್ಯ..?

ಲಂಡನ್​: ಭಾರತೀಯ ಬ್ಯಾಂಕುಗಳಿಗೆ ಸಾವಿರಾರು ಕೋಟಿ ಪಂಗನಾಮ ಹಾಕಿ ವಿದೇಶಕ್ಕೆ ಪಲಾಯನ ಮಾಡಿರುವ ಮದ್ಯದ ದೊರೆ ವಿಜಯ್​ ಮಲ್ಯಗೆ ಮತ್ತೊಂದು ಸಂಕಷ್ಟ ಎದುರಾಗಿದೆ. ಲಂಡನ್​ನಲ್ಲಿರುವ ತಮ್ಮ ಐಷಾರಾಮಿ ಮನೆಯನ್ನು ಬ್ಯಾಂಕಿನ ಜಪ್ತಿ ಮೂಲಕ ಮಲ್ಯ ಕಳೆದುಕೊಳ್ಳಲಿದ್ದಾರಾ ಅನ್ನುವ ಪ್ರಶ್ನೆ ಎದ್ದಿದೆ. ಹೌದು, ಇಂಡಿಯಾದ ಬ್ಯಾಂಕ್​ಗಳಿಗೆ​ ಮೋಸ ಮಾಡಿದ್ದಲ್ಲದೇ ಸ್ವಿಸ್​ ಬ್ಯಾಂಕ್​ನಿಂದ ಸಾಲ ಪಡೆದುಕೊಂಡಿದ್ದ ಮಲ್ಯ ಸರಿಯಾಗೇ ಉಂಡೆನಾಮ ತಿಕ್ಕಿದ್ದಾರೆ. ಈ ಹಿನ್ನೆಲೆ ಯುಬಿಎಸ್​ ಲಂಡನ್​ನ ರೀಜೆಂಟ್ ಪಾರ್ಕ್​ ಬಳಿಯ ಕಾರ್ನ್ವಾಲ್ ಟೆರೇಸ್​ ಆಸ್ತಿಯನ್ನು ಜಪ್ತಿ ಮಾಡುವಂತೆ ಕೋರಿ ಲಂಡನ್​ ಕೋರ್ಟ್ ಮೊರೆ ಹೋಗಿತ್ತು. ಈ ಬಗ್ಗೆ ವಿಚಾರಣೆ ನಡೆಸಿದ ಲಂಡನ್​ ಹೈ ಕೋರ್ಟ್​ ​ಮಲ್ಯರ ಯಾವುದೇ ಸಬೂಬುಗಳಿಗೆ ಕಿವಿಕೊಟ್ಟಿಲ್ಲ. ಅರ್ಥಾತ್​ ಜಪ್ತಿ ಮಾಡಬೇಕು ಅನ್ನುವ ಧಾಟಿಯಲ್ಲೇ ತನ್ನ ಅಭಿಪ್ರಾಯ ವ್ಯಕ್ತಪಡಿಸಿದೆ. ವಿಚಾರಣೆ ನಡೆಸಿದ ಲಂಡನ್​ ಹೈಕೋರ್ಟ್​ ಅರ್ಜಿಯ ವಿಚಾರಣೆಯನ್ನು ಮುಂದಿನ ವರ್ಷ ಮೇ ತಿಂಗಳಿಗೆ ಮುಂದೂಡಿದೆ. ಇನ್ನು ಮುಂದಿನ ವಿಚಾರಣೆ ವೇಳೆ ಯುಬಿಎಸ್​ ಪರ ತೀರ್ಪು ಬರುವ ಎಲ್ಲ ಲಕ್ಷಣಗಳು ಕಾಣುತ್ತಿದ್ದು, ಐಷಾರಾಮಿ ಮನೆಯನ್ನು ಮಲ್ಯ ಕಳೆದುಕೊಳ್ಳಲಿದ್ದಾರೆ ಎಂದು ತಿಳಿದುಬಂದಿದೆ. ಸ್ವಿಸ್​ ಬ್ಯಾಂಕ್​ನಿಂದ ಮಲ್ಯ 185ಕೋಟಿ ಸಾಲ ಪಡೆದಿದ್ರು. ಆದ್ರೆ ಈವರೆಗೂ ಮಲ್ಯ ಯಾವುದೇ ಹಣ ಪಾವತಿಸಿಲ್ಲವಂತೆ.