ಮೌನ ವ್ರತ ಕೈಗೊಳ್ತಾರಂತೆ ಅಣ್ಣಾ ಹಜಾರೆ. ಜ.30ರಿಂದ

ಮುಂಬೈ: ಸ್ವಾಮಿನಾಥನ್​ ವರದಿ ಜಾರಿಗೆ ತರೋದಾಗಿ ಕೇಂದ್ರ ಕೃಷಿ ಇಲಾಖೆ ನನಗೆ ಲಿಖಿತವಾಗಿ ಭರವಸೆ ನೀಡದಿದ್ದಲ್ಲಿ ಮೌನ ವ್ರತ ಮಾಡೋದಾಗಿ ಸಾಮಾಜಿಕ ಕಾರ್ಯಕರ್ತ ಅಣ್ಣ ಹಜಾರೆ ಎಚ್ಚರಿಸಿದ್ದಾರೆ. ಲೋಕ್​ಪಾಲ್​ ಮತ್ತು ಸ್ವಾಮಿನಾಥನ್​ ವರದಿ ಜಾರಿಗೆ ತರಬೇಕೆಂದು ಆಗ್ರಹಿಸಿ ಅಣ್ಣ ಹಜಾರೆ ಜ.30ರಿಂದ ಫೆ.5 ರ ತನಕ ಉಪವಾಸ ಸತ್ಯಾಗ್ರಹ ಮಾಡಿದ್ರು. ಇನ್ನು ಕೇಂದ್ರ ಸರ್ಕಾರ ಹಾಗೂ ಮಹಾರಾಷ್ಟ್ರ ಸರ್ಕಾರ ಹಜಾರೆ ಬೇಡಿಕೆ ಪೂರೈಸುವುದಾಗಿ ಭರವಸೆ ನೀಡಿತ್ತು. ಆದ್ರೆ ಈವರೆಗೆ ಕೇಂದ್ರ ಕೃಷಿ ಇಲಾಖೆಯಿಂದ ಸ್ವಾಮಿನಾಥನ್​ ವರದಿ ಕುರಿತಾಗಿ ಯಾವುದೇ ಲಿಖಿತ ಸಂದೇಶ ಬಂದಿಲ್ಲ ಎಂದು ಅಣ್ಣ ಹಜಾರೆ ಅಕ್ರೋಶ ವ್ಯಕ್ತಪಡಿಸಿದ್ದು, ಮೌನ ವ್ರತ ಕೈಗೊಳ್ಳೋದಾಗಿ ಎಚ್ಚರಿಸಿದ್ದಾರೆ.