ಬಂಡೀಪುರದ 11 ಸಾವಿರ ಎಕರೆ ಅರಣ್ಯ ದಹಿಸಿದ್ದು ಆನೆ ಲದ್ದಿ..?

ಚಾಮರಾಜನಗರ: ಬಂಡೀಪುರ ಅಗ್ನಿದುರಂತದಿಂದ ಸಹಜವಾಗೇ ಜನರು ಬೆಚ್ಚಿಬಿದ್ದಿದ್ದಾರೆ. ಅರಣ್ಯದಲ್ಲಿದ್ದ ಪ್ರಾಣಿಗಳು ಬದುಕಿದ್ರೆ ಸಾಕು ಅಂತಾ ಎತ್ತೆಂದರತ್ತ ದಿಕ್ಕೆಟ್ಟು ಓಡಾಡ್ತಿವೆ. ಈ ಮಧ್ಯೆ ಕಾಡ್ಗಿಚ್ಚಿಗೆ ಕಾರಣವೇನು ಅಂತಾ ಜನರ ಮನಸಲ್ಲಿ ಪ್ರಶ್ನೆ ಮಾಡಿದೆ. ಮೂಲಗಳ ಪ್ರಕಾರ, ಅರಣ್ಯ ಇಲಾಖೆ ಹಾಗೂ ಸ್ಥಳೀಯರ ನಡುವೆ ಹಲವು ವಿಚಾರಗಳ ಕುರಿತು ಸಂಘರ್ಷ ನಡೆಯುತ್ತಿದೆ. ಒಣಗಿದ ಆನೆಯ ಲದ್ದಿಗೆ ಯಾರೋ ಕಿಡಿಗೇಡಿಗಳು ಬೆಂಕಿ ಹಾಕಿದ್ದಾರೆ ಎಂಬ ಶಂಕೆಗಳು ವ್ಯಕ್ತವಾಗುತ್ತಿವೆ. ಒಣಗಿದ ಆನೆಯ ಲದ್ದಿಗೆ ಬೆಂಕಿ ಕೊಟ್ಟರೇ ಧೂಪ ಉರಿದಂತೆ ಉರಿಯುತ್ತದೆ. ಸುದೀರ್ಘವಾಗಿ ಉರಿಯುವ ಈ ಉರಿಯಿಂದ ಗಾಳಿ ಬೀಸಿದ ಕಡೆಗೆಲ್ಲಾ ಕಿಡಿ ಹಾರುತ್ತದೆ. ಆ ಕಿಡಿಯಿಂದ್ಲೇ 11 ಸಾವಿರ ಎಕೆರೆಗೂ ಹೆಚ್ಚು ಅರಣ್ಯ ದಹನವಾಗಿದೆ ಎನ್ನಲಾಗ್ತಿದೆ. ಇದಕ್ಕೆ ಸಾಕ್ಷಿ ಎಂಬಂತೆ, ನಿನ್ನೆ ಹಲವು ಕಡೆಗಳಲ್ಲಿ ಆನೆ ಲದ್ದಿಗೆ ಕಿಡಿ ಇಟ್ಟಿರುವುದಕ್ಕೆ ಸಾಕ್ಷಿ ಸಿಕ್ಕಿವೆ.