ಕಾರುಗಳ ಮುಖಮುಖಿ ಡಿಕ್ಕಿ : ಓರ್ವ ಸಾವು

ಕೊಡಗು: ಮಳೆಯಿಂದಾಗಿ ರಸ್ತೆ ಕಾಣದೆ ಕಾರುಗಳ ನಡುವೆ ‌ಮುಖಮುಖಿ ಡಿಕ್ಕಿ ಸಂಭವಿಸಿದ್ದು, ಓರ್ವ ಸಾವನ್ನಪ್ಪಿರುವ ಘಟನೆ ಕುಶಾಲನಗರ ತಾಲೂಕು ಕೊಡಗರಹಳ್ಳಿಯ NH275ರಲ್ಲಿ ನಡೆದಿದೆ.

ಮುಸ್ತಾಫ್ (47) ಮೃತ ದುರ್ದೈವಿ. ಇನಾವೋ ಕಾರು ಕುಶಾಲನಗರ ಕಡೆಗೆ ಹೋಗುತ್ತಿತ್ತು. ಸುಂಟಿಕೊಪ್ಪ ‌ಕಡೆಗೆ ಬರುತ್ತಿದ್ದ XUV ನಡುವೆ ಮುಖಾಮುಕಿ ಡಿಕ್ಕಿಯಾದ ಪರಿಣಾಮ ಕಾರಿನಲ್ಲಿದ್ದ ಮುಸ್ತಾಫ್ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಇನ್ನು ಈ ಅಪಘಾತದ ತೀವ್ರತೆಗೆ ಎರಡು ವಾಹನಗಳು ಸಂಪೂರ್ಣ ಜಖಂಗೊಂಡಿವೆ. ಅಪಘಾತದಿಂದ ಕೆಲಕಾಲ‌ ರಾಷ್ಟ್ರೀಯ ಹೆದ್ದಾರಿ 275 ರಲ್ಲಿ ವಾಹನ ಸಂಚಾರ ಅಸ್ತವ್ಯಸ್ತಗೊಂಡಿತ್ತು. ಸ್ಥಳಕ್ಕೆ ಸುಂಟಿಕೊಪ್ಪ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.