ಅಮಿತಾಭ್ ಬಚ್ಚನ್ ಉಂಚೈ ಸಿನಿಮಾದ ಫಸ್ಟ್ ಲುಕ್ ರಿಲೀಸ್

ಅಮಿತಾಭ್ ಬಚ್ಚನ್ ತಮ್ಮ ಉಂಚೈ ಸಿನಿಮಾದ ಫಸ್ಟ್ ಲುಕ್ ಅನ್ನು ಹಂಚಿಕೊಳ್ಳುವ ಮೂಲಕ ಸ್ನೇಹಿತರ ದಿನವನ್ನು ಆಚರಿಸಿದ್ದಾರೆ.ಬಾಲಿವುಡ್ ಸೂಪರ್‌ಸ್ಟಾರ್ ಅಮಿತಾಭ್ ಬಚ್ಚನ್ ಅವರು ಅಂತಾರಾಷ್ಟ್ರೀಯ ಸ್ನೇಹಿತರ ದಿನದಂದು ತಮ್ಮ ಉಂಚೈ ಚಿತ್ರದ ಫಸ್ಟ್ ಲುಕ್ ಅನ್ನು ಹಂಚಿಕೊಂಡಿದ್ದಾರೆ.

ಸೂರಜ್ ಬರ್ಜಾತ್ಯಾ ಅವರ ನಿರ್ದೇಶನದಲ್ಲಿ ಮೂಡಿ ಬರಲಿರುವ ಈ ಚಿತ್ರದಲ್ಲಿ ಅಮಿತಾಭ್ ಬಚ್ಚನ್ ಜೊತೆಗೆ ಅನುಪಮ್ ಖೇರ್ ಮತ್ತು ಬೊಮನ್ ಇರಾನಿ ನಟಿಸಿದ್ದಾರೆ. ಸದ್ಯ ಬಿಡುಗಡೆಯಾಗಿರುವ ಪೋಸ್ಟರ್‌ನಲ್ಲಿ, ಅಮಿತಾಭ್ ಬಚ್ಚನ್, ಅನುಪಮ್ ಖೇರ್ ಮತ್ತು ಬೋಮನ್ ಇರಾನಿ ಹಿಮದಿಂದ ಆವೃತವಾದ ಪರ್ವತ ಏರುತ್ತಿರುವುದನ್ನು ಕಾಣಬಹುದು. ಸಿನೆಮಾ ಪೋಸ್ಟರ್ “ಸ್ನೇಹವು ಅವರ ಏಕೈಕ ಪ್ರೇರಣೆ” ಎಂಬ ಬರಹವನ್ನು ಹೊಂದಿದೆ.

ರಾಜಶ್ರೀ ಪ್ರೊಡಕ್ಷನ್ಸ್ ಅಡಿ ನಿರ್ಮಿಸಲಾಗುತ್ತಿರುವ “ಉಂಚೈ” ಸಿನೆಮಾದಲ್ಲಿ ಡ್ಯಾನಿ ಡೆನ್ಜಾಂಗ್ಪಾ, ಸಾರಿಕಾ, ನೀನಾ ಗುಪ್ತಾ ಮತ್ತು ಪರಿಣಿತಿ ಚೋಪ್ರಾ ಅವರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ನವೆಂಬರ್ 11 ರಂದು ಈ ಸಿನೆಮಾ ಬಿಡುಗಡೆಯಾಗಲಿದೆ.