ನಾನು 40 ಸಾವಿರಕ್ಕಿಂತ ಅಧಿಕ ಮತಗಳಿಂದ ಗೆಲ್ಲುವುದು ನಿಶ್ಚಿತ : ಶರಣು ಸಲಗರ

ಬಸವಕಲ್ಯಾಣ: ‘2023ರ ವಿಧಾನಸಭೆ ಚುನಾವಣೆಯಲ್ಲಿ ನಾನು 40 ಸಾವಿರಕ್ಕಿಂತ ಅಧಿಕ ಮತಗಳಿಂದ ಗೆಲ್ಲುವುದು ನಿಶ್ಚಿತ’ ಎಂದು ಶಾಸಕ ಶರಣು ಸಲಗರ ಹೇಳಿದರು.

ನಗರದಲ್ಲಿ ನಡೆದ ಬಿಜೆಪಿ ಗ್ರಾಮೀಣ ಮತ್ತು ನಗರ ಘಟಕದ ಕಾರ್ಯಕಾರಿಣಿ ಸಭೆಯಲ್ಲಿ ಮಾತನಾಡಿದರು.’ಶಾಸಕನಾಗಿ 18 ತಿಂಗಳಲ್ಲಿ ಸಾಕಷ್ಟು ಅಭಿವೃದ್ಧಿ ಕಾರ್ಯಗಳನ್ನು ಮಾಡಿದ್ದೇನೆ. ಪಕ್ಷದ ಕಾರ್ಯ ಮೆಚ್ಚಿ ಕಾಂಗ್ರೆಸ್ ಹಾಗೂ ಜೆಡಿಎಸ್‌ನ 2000ಕ್ಕೂ ಅಧಿಕ ಕಾರ್ಯಕರ್ತರು ಬಿಜೆಪಿ ಸೇರ್ಪಡೆಗೊಂಡಿದ್ದಾರೆ. ಕೆಡಕು ಮಾಡುವವರು ಅನೇಕರಿದ್ದಾರೆ. ಆದರೂ ಅವರ ಮಾತಿಗೆ ಬೆಲೆ ಕೊಡದೆ ಪಕ್ಷ ಸಂಘಟನೆ ಬಲಗೊಳಿಸಬೇಕು’ ಎಂದರು.

ಬಿಜೆಪಿ ಜಿಲ್ಲಾ ಘಟಕದ ಅಧ್ಯಕ್ಷ ಶಿವಾನಂದ ಮಂಠಾಳಕರ್, ತಾಲ್ಲೂಕು ಘಟಕದ ಅಧ್ಯಕ್ಷ ಅಶೋಕ ವಕಾರೆ, ನಗರ ಘಟಕದ ಅಧ್ಯಕ್ಷ ಅರವಿಂದ ಮುತ್ತೆ, ರಾಜ್ಯ ಸಮಿತಿ ಸದಸ್ಯರಾದ ಲತಾ ಶಾಂತಕುಮಾರ ಹಾರಕೂಡೆ, ದೀಪಕ್ ಗಾಯಕವಾಡ, ಹಣಮಂತ ದರ್ಜೆ ಹಾಗೂ ರಾಚಮ್ಮ ಹಿರೇಮಠ ಮಾತನಾಡಿದರು. ಜಿಲ್ಲಾ ಮುಖಂಡರಾದ ಸೋಮನಾಥ ಪಾಟೀಲ, ಶಂಕರ ನಾಗದೆ, ಸುರೇಶ ಬಿರಾದಾರ, ಶಿವಪುತ್ರ ಗೌರ, ವೀರಣ್ಣ ಹಲಗೆ, ಸಿದ್ದು ಬಿರಾದಾರ, ಮಹೇಶ್ವರ ಸ್ವಾಮಿ, ಉಲ್ಕಾವತಿ, ಜ್ಞಾನೇಶ್ವರ ಪಾಟೀಲ ಹಾಗೂ ಸೂರ್ಯಕಾಂತ ದೋಣಿ ಇದ್ದರು.