ಮೊದಲ ಬಾರಿಗೆ ರೈಲ್ವೇ ಮಂಡಳಿಯ ಸಿಇಒ ಹುದ್ದೆಗೆ ದಲಿತ ಅಧಿಕಾರಿ ನೇಮಕ

ನವದೆಹಲಿ: 119 ವರ್ಷಗಳ ಭಾರತೀಯ ರೈಲ್ವೇ ಇತಿಹಾಸದಲ್ಲೇ ಇದೇ ಮೊದಲ ಬಾರಿಗೆ ರೈಲ್ವೇ ಮಂಡಳಿಯ ಸಿಇಒ ಹುದ್ದೆಗೆ ದಲಿತ ಅಧಿಕಾರಿಯೊಬ್ಬರು ನೇಮಕವಾಗಿದ್ದಾರೆ.

ಭಾರತೀಯ ರೈಲ್ವೆ ನಿರ್ವಹಣಾ ಸೇವಾ ಇಂಜಿನಿಯರ್ಸ್ ಅಧಿಕಾರಿ ಸತೀಶ್ ಕುಮಾರ್ ಅವರು ರೈಲ್ವೇ ಮಂಡಳಿಯ ಸಿಇಒ ಆಗಿ ಜವಾಬ್ದಾರಿ ಸ್ವೀಕರಿಸಿದ್ದಾರೆ. ರೈಲ್ವೇ ಮಂಡಳಿಯ ಪ್ರಸ್ತುತ ಸಿಇಒ ಆಗಿರುವ ಜಯವರ್ಮ ಸಿನ್ಹಾ ಅವರು ಆಗಸ್ಟ್ 31ರಂದು ನಿವೃತ್ತರಾಗುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಅವರ ಸ್ಥಾನಕ್ಕೆ ಸತೀಶ್‌ಕುಮಾ‌ರ್ ಅವರ ಹೆಸರನ್ನು ಸಂಪುಟದ ನೇಮಕಾತಿ ಸಮಿತಿ ಅನುಮೋದಿಸಿದೆ.

ಮಾರ್ಚ್ 1998ರಲ್ಲಿ ರೈಲ್ವೇ ಇಲಾಖೆ ಸೇರಿದ್ದ ಸತೀಶ್‌ಕುಮಾ‌ರ್ ಭಾರತೀಯ ರೈಲ್ವೆಗೆ ಮಹತ್ವದ ಕೊಡುಗೆ ನೀಡಿದ್ದಾರೆ.