10 ಸಾವಿರ ಅಡಿ ಎತ್ತರದಿಂದ ಬಿದ್ದು ಪರ್ವತಾರೋಹಿ ಸಾವು

ಇಟಲಿ: ಸ್ವಿಸ್ ಗಡಿಯಿಂದ ಕೆಲವೇ ಮೈಲಿ ದೂರದಲ್ಲಿ ಭಾನುವಾರ ಸಂಭವಿಸಿದ ಅಪಘಾತದಲ್ಲಿ ಪರ್ವತಾರೋಹಿಯಾಗಿದ್ದ ಆಡಿ ಕಂಪನಿಯ ಉನ್ನತ ಕಾರ್ಯನಿರ್ವಾಹಕರೊಬ್ಬರು 10 ಸಾವಿರ ಅಡಿ ಎತ್ತರದಿಂದ ಬಿದ್ದು ಸಾವನ್ನಪ್ಪಿದ್ದಾರೆ ಎಂದು ವರದಿಗಳು ತಿಳಿಸಿವೆ.
ಐಷಾರಾಮಿ ಕಾರು ಕಂಪನಿಯ ಇಟಲಿ ಮೂಲದ ಕಾರ್ಯಾಚರಣೆಗಳನ್ನು ನಡೆಸುತ್ತಿರುವ 62 ವರ್ಷದ ಫ್ಯಾಬ್ರಿಜಿಯೊ ಲಾಂಗೊ ಅವರು ಉತ್ತರ ಇಟಲಿಯ ಆಡಮೆಲ್ಲೊ ಪರ್ವತಗಳಲ್ಲಿನ ಸಿಮಾ ಪೇಯರ್ ಅನ್ನು ಏರುತ್ತಿದ್ದಾಗ ಶಿಖರದ ಬಳಿ ಬಿದ್ದಿದ್ದಾರೆ ಎಂದು ಯುರೋಪಿಯನ್ ಮೂಲದ ಹಲವಾರು ಸುದ್ದಿ ಸಂಸ್ಥೆಗಳು ವರದಿ ಮಾಡಿವೆ. ಅಪಘಾತಕ್ಕೆ ಸಾಕ್ಷಿಯಾದ ಇನ್ನೊಬ್ಬ ಪರ್ವತಾರೋಹಿ ಸಹಾಯಕ್ಕಾಗಿ ಕೂಗಿದ ನಂತರ ರಕ್ಷಣಾ ತಂಡಗಳು ಘಟನಾ ಸ್ಥಳಕ್ಕೆ ಧಾವಿಸಿದವು. ಹೆಲಿಕಾಪ್ಟರ್ ತಂಡವು ಲಾಂಗೊ ಅವರ ದೇಹವನ್ನು ಸುಮಾರು 700 ಅಡಿ ಆಳದ ಕಮರಿಯೊಳಗೆ ಪತ್ತೆ ಮಾಡಿದೆ.ಅವರು ಘಟನಾ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ ಎಂದು ಘೋಷಿಸಲಾಗಿದೆ