ಗಣಪತಿ ಮೂರ್ತಿಗೆ ಮಾಲಾರ್ಪಣೆ ಮಾಡಿದ ಮುಸ್ಲಿಂ ಭಾಂದವರು

ಧಾರವಾಡ: ಮಸೀದಿ ಎದುರು ಗಣಪತಿ ಮೂರ್ತಿಯ ಮೆರವಣಿಗೆ ಬಂದಾಗ ಮುಸ್ಲಿಮ್‌ರು ಗಣಪತಿ ಮೂರ್ತಿಗೆ ಮಾಲಾರ್ಪಣೆ ಮಾಡುವ ಮುಖಾಂತರ ಭಾವೈಕ್ಯತೆಯ ಸಂದೇಶ ಸಾರಿದ್ದಾರೆ.

ನಿನ್ನೆ 9 ದಿನದ ಗಣೇಶನ ಮೂರ್ತಿಗಳ ವಿಸರ್ಜಣೆ ಕಾರ್ಯಕ್ರಮ ನಡೆಯಿತು. ಧಾರವಾಡದ ಮೆಹಬೂಬ್‌ನಗರದ ಮಸೀದಿ ಎದುರು ಗಣೇಶನ ಮೂರ್ತಿಯ ಮೆರವಣಿಗೆ ಹಾದು ಹೊರಟಿತ್ತು. ಈ ವೇಳೆ ಮುಸ್ಲಿಮ್‌ರು ಮೆರವಣಿಗೆ ಬರುತ್ತಿದ್ದಂತೆ ಗಣೇಶನ ಮೂರ್ತಿಗೆ ಮಾಲಾರ್ಪಣೆ ಮಾಡುವ ಮುಖಾಂತರ ಭಾವೈಕ್ಯತೆಯ ಸಂದೇಶ ಸಾರಿದರು.

ಮಸೀದಿ ಎದುರು ಮೆರವಣಿಗೆ ಹಾದು ಹೋಗುತ್ತದೆ ಏನಾದರೂ ಗಲಾಟೆ ಸಂಭವಿಸಬಹುದು ಎಂದು ಮುನ್ನೆಚ್ಚರಿಕಾ ಕ್ರಮವಾಗಿ ಪೊಲೀಸ್ ಬಂದೋಬಸ್ತ್ ಸಹ ಮಾಡಲಾಗಿತ್ತು. ಆದರೆ, ಅಲ್ಲಿ ನಡೆದಿದ್ದೇ ಬೇರೆ. ಧಾರವಾಡದ ಮುಸ್ಲಿಮ್‌ರು ಗಣಪತಿ ಮೂರ್ತಿಗೆ ಮಾಲಾರ್ಪಣೆ ಮಾಡಿ, ಮೆರವಣಿಗೆಯಲ್ಲಿದ್ದ ಎಲ್ಲ ಹಿಂದೂಗಳಿಗೂ ಗುಲಾಬಿ ಹೂವು ಕೊಟ್ಟು ಭಾವೈಕ್ಯತೆಯ ಸಂದೇಶ ಸಾರಿದರು.