ಗದಗ : ವಿಶೇಷ ಕಾರ್ಯಾಚರಣೆ, 140 ಆಟೊ, ಟಂಟಂ ವಶಕ್ಕೆ!!

ನಗರದಲ್ಲಿ ಸಂಚರಿಸುವ ಆಟೊ ಮತ್ತು ಟಂಟಂಗಳ ವಿರುದ್ಧ ಸಂಚಾರ ನಿಯಮ ಉಲ್ಲಂಘನೆ ಸೇರಿದಂತೆ ಪ್ರಯಾಣಿಕರಿಂದ ವಿವಿಧ ದೂರುಗಳು ಬಂದ ಕಾರಣ ಗದಗ ಪೊಲೀಸರು ಗುರುವಾರ ವಿಶೇಷ ಕಾರ್ಯಾಚರಣೆ ನಡೆಸಿ, 140 ವಾಹನಗಳನ್ನು ವಶಕ್ಕೆ ಪಡೆದರು.ಮ್ಯೂಸಿಕ್ ಪ್ಲೇಯರ್‌ನಲ್ಲಿ ಜೋರು ಸಂಗೀತ ಹಾಕಿ ಶಬ್ದ ಮಾಲಿನ್ಯ ಉಂಟುಮಾಡುವುದು, ಚಾಲಕನ ಪಕ್ಕದಲ್ಲಿ ಪ್ರಯಾಣಿಕರನ್ನು ಕೂರಿಸಿಕೊಳ್ಳುವುದು, ಕಾಗದ ಪತ್ರಗಳಿಲ್ಲದ ವಾಹನ, ಚಾಲನಾ ಪರವಾನಗಿ, ವಾಹನ ವಿಮೆ ಸೇರಿದಂತೆ ಸಂಚಾರ ನಿಯಮ ಪಾಲಿಸದಿರುವ ಆಟೊ ಹಾಗೂ ಟಂಟಂಗಳನ್ನು ಪತ್ತೆ ಹಚ್ಚಿ, ವಶಕ್ಕೆ ಪಡೆದುಕೊಳ್ಳಲಾಯಿತ ಎಂದು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಬಿ.ಎಸ್‌.ನೇಮಗೌಡ ತಿಳಿಸಿದ್ದಾರೆ.