ರಸ್ತೆಯಲ್ಲಿ ಶವ ಎಸೆದು ಪೊಲೀಸರು ಪರಾರಿ

ಮೀರತ್: ಅಪರಿಚಿತ ಶವವೊಂದರನ್ನು ರಸ್ತೆ ಬದಿಯಲ್ಲೇ ಎಸೆದು ಪೊಲೀಸರೇ ಓಡಿಹೋದ ಘಟನೆ ಉತ್ತರ ಪ್ರದೇಶದಲ್ಲಿ ನಡೆದಿದೆ. ಅಂಗಡಿಯ ಎದುರು ಶವ ಬಿದ್ದಿರುವುದನ್ನು ನೋಡಿ ಗಾಬರಿಯಾದ ಜನ ಸಿಸಿಟೀವಿ ದೃಶ್ಯಗಳನ್ನು ಗಮನಿಸಿದಾಗ ಪೊಲೀಸರೇ ಈ ಕೃತ್ಯ ಎಸಗಿರುವುದು ಬೆಳಕಿಗೆ ಬಂದಿದೆ.ವಿಡಿಯೋದಲ್ಲಿ ಗುರುತಿಸಲಾದ ಜಿತೇಂದ್ರ ಕುಮಾರ್,ರಾಜೇಶ್ ಪೊಲೀಸರನ್ನು ಅಮಾನತುಗೊಳಿಸಲಾಗಿದ್ದು, ಗೃಹರಕ್ಷಕ ರೋಹ್ತಾಶ್ ಅವರನ್ನು ವಜಾಗೊಳಿಸಿದ್ದಾರೆ. ಅಲ್ಲದೆ ಮೃತಪಟ್ಟವನ ಗುರುತಿಸುವ ಬಗ್ಗೆ ತನಿಖೆ ನಡೆಯುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.