ಮಾದಕ ವಸ್ತು ಆರೋಪಿ ಸೆರೆ

ಕುಂಬಳೆ: ಮಾದಕ ವಸ್ತು ದಾಸ್ತಾನು ಪ್ರಕರಣಗಳಲ್ಲಿ ಆರೋಪಿಯಾಗಿದ್ದ ಕುಂಬಳೆ ಕೊಯಿಪ್ಪಾಡಿ ಕಡಪ್ಪುರ ನಿವಾಸಿ ಸಾದಿಕ್ ಕೆ. (34) ಎಂಬವನನ್ನು ಮುಂಜಾಗ್ರತಾ ಕ್ರಮವಾಗಿ ಕುಂಬಳೆ ಪೊಲೀಸರು ಬಂಧಿಸಿದ್ದಾರೆ.ಡಿ. 6 ರಂದು ಉಪ್ಪಳ ಸೋಂಕಾಲ್ ಸಮೀಪ ನಡೆಸಿದ ಕಾರ್ಯಾಚರಣೆ ಯಲ್ಲಿ 43.77 ಗ್ರಾಂ ಎಂಡಿಎಂ ಮಾದಕ ವಸ್ತುವನ್ನು ವಶಪಡಿಸಿಕೊಂಡಿದ್ದರು. ಈ ಪ್ರಕರಣದಲ್ಲಿ ಸಾದಿಕ್ ಕೆ. ಸಹಿತ ಮೂವರನ್ನು ಬಂಧಿಸಿದ್ದರು. ನಂತರ ಸಾದಿಕ್ ಜಾಮೀನು ಮೇಲೆ ಬಿಡುಗಡೆಯಾಗಿದ್ದನು. ಬಳಿಕ‌ವೂ ಆತ‌ ಕೆಲ ಪ್ರಕರಣಗಳಲ್ಲಿ ಆರೋಪಿಯಾಗಿರುವ ಹಿನ್ನೆಲೆಯಲ್ಲಿ ಮತ್ತೆ ವಶಕ್ಕೆ ಪಡೆಯಲಾಗಿದೆ ಎಂದು‌ ಪೊಲೀಸ್ ಮೂಲ ತಿಳಿಸಿದೆ.