ಅಂತಾರಾಜ್ಯ ಸೈಬರ್ ಗ್ಯಾಂಗ್ ನ ಐವರು ಅರೆಸ್ಟ್:ಚೀನಾ, ನೇಪಾಳ ಸಂಪರ್ಕ!

ನೇಪಾಳ ಮೂಲದ ಆಪರೇಟರ್‌ಗಳೊಂದಿಗೆ ಮತ್ತು ಚೀನಾದ ಹ್ಯಾಂಡ್ಲರ್‌ಗಳೊಂದಿಗೆ ಸಂಪರ್ಕ ಹೊಂದಿದ್ದ ಶಂಕಿತ ಅಂತಾರಾಜ್ಯ ಸೈಬರ್ ವಂಚನೆ ಸಿಂಡಿಕೇಟ್ ಅನ್ನು ಉತ್ತರ ಪ್ರದೇಶ ಪೊಲೀಸರು ಪತ್ತೆಹಚ್ಚಿದ್ದು, ಬರೇಲಿಯಲ್ಲಿ ಐವರನ್ನು ಬಂಧಿಸಲಾಗಿದೆ ಎಂದು ಅಧಿಕಾರಿಗಳು ರವಿವಾರ ತಿಳಿಸಿದ್ದಾರೆ. ನಕಲಿ ಖಾತೆಗಳು ಮತ್ತು ಡಿಜಿಟಲ್ ಪರಿಕರಗಳನ್ನು ಬಳಸಿಕೊಂಡು ವಿವಿಧ ರಾಜ್ಯಗಳಲ್ಲಿ ಜನರನ್ನು ವಂಚಿಸುವಲ್ಲಿ ಭಾಗಿಯಾಗಿದ್ದ ಆರೋಪ ದಲ್ಲಿ ಶಕೀಬ್ ಅಲಿ, ರಾಜ್‌ಕುಮಾರ್, ಆಶಿಶ್ ಸಿಂಗ್, ಬಬ್ಲೂ ಅಲಿಯಾಸ್ ಮಾಧೋರಾಮ್ ಮತ್ತು ಸಚೇಂದ್ರ ಕುಮಾರ್ ಅವರನ್ನು ಶನಿವಾರ ಬಂಧಿಸಲಾಗಿದೆ. ಶೋಧದ ಸಮಯದಲ್ಲಿ, ಪೊಲೀಸರು ಒಂದು ಲ್ಯಾಪ್‌ಟಾಪ್, ಏಳು ಮೊಬೈಲ್ ಫೋನ್‌ಗಳು, ಬ್ಯಾಂಕ್ ದಾಖಲೆಗಳು, 11 ಕಾರ್ಡ್‌ಗಳು, ಒಂದು ಎಸ್‌ಯುವಿ ಮತ್ತು ಅಕ್ರಮ ಬಂದೂಕುಗಳನ್ನು ವಶಪಡಿಸಿಕೊಂಡಿದ್ದಾರೆ ಮತ್ತು ವಂಚನೆಗೆ ಸಂಬಂಧಿಸಿದ ದೊಡ್ಡ ಪ್ರಮಾಣದ ಡೇಟಾವನ್ನು ಪಡೆದುಕೊಂಡಿಕೊಂಡಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.