ಕ್ರೈಂ ಸ್ಟೋರಿ: ತಂದೆ ಇಲ್ಲದ ವಿದ್ಯಾರ್ಥಿಯ ಬದುಕಿನಲ್ಲಿ ಕತ್ತಲೆ… ಧಾರವಾಡ ಪೊಲೀಸರ ಮೇಲೆ ಗಂಭೀರ ಆರೋಪ!

ಪುಸ್ತಕ ಹಿಡಿದ ಕೈಗೆ ಬೆಸೆ ಹಾಕಿದವರಾರು? ಬಡ ವಿದ್ಯಾರ್ಥಿಯ ಸಾವಿಗೆ ಧಾರವಾಡದಲ್ಲಿ ಪೊಲೀಸ್ ನೆರಳು!

ತಾಯಿಯ ಕನಸು ಚೂರಾದ ರಾತ್ರಿಯ ಸತ್ಯ ಏನು? ವಿದ್ಯಾರ್ಥಿ ಸಾವು—ಪೊಲೀಸರ ವಿರುದ್ಧ ಗಂಭೀರ ಆರೋಪ ಸ್ಫೋಟ!”

ಧಾರವಾಡ:ರಾತ್ರಿ ನಿಶ್ಶಬ್ದ…ಬಡ ಮನೆಯ ಒಬ್ಬ ವಿದ್ಯಾರ್ಥಿ ತನ್ನ ಕನಸುಗಳ ಜೊತೆ ಪುಸ್ತಕ ತೆರೆದು ಕೂತಿದ್ದ ಸಮಯ…ಆದರೆ ಆ ರಾತ್ರಿ ಅವನ ಬದುಕನ್ನೇ ತಿರುವು ಮಾಡಿಬಿಟ್ಟಿತೇ..?ಬಾಗಲಕೋಟೆಯಿಂದ ಧಾರವಾಡಕ್ಕೆ ಬಂದಿದ್ದ ಆ ವಿದ್ಯಾರ್ಥಿ—ತಂದೆ ಇಲ್ಲ… ತಾಯಿಯೇ ಎಲ್ಲವೂ… ದಿನಗೂಲಿ ಮಾಡಿ ಮಗನನ್ನು ಓದಿಸಬೇಕೆಂಬ ಒಂದೇ ಕನಸಿನಲ್ಲಿ ಬದುಕುತ್ತಿದ್ದ ಆ ತಾಯಿ, ತನ್ನ ಮಗನ ಭವಿಷ್ಯಕ್ಕಾಗಿ ಎಲ್ಲ ಕಷ್ಟವನ್ನೂ ಸಹಿಸಿಕೊಂಡಿದ್ದಳು… ಆದರೆ ಒಂದು ದಿನ…ಅಕಸ್ಮಿಕವಾಗಿ ಪೊಲೀಸ್ ಸೈರನ್‌ಗಳು, ಗದ್ದಲ, ಪ್ರಶ್ನೆಗಳು… ಮಗನ ಜೀವನದಲ್ಲಿ ಕತ್ತಲೆ ಆರಂಭವಾದ ಕ್ಷಣ ಅದು.

ಡ್ರಗ್ಸ್ ಪ್ರಕರಣ” ಎಂಬ ಹೆಸರಿನಲ್ಲಿ ವಿದ್ಯಾರ್ಥಿಯನ್ನು ಪೊಲೀಸರ ವಶಕ್ಕೆ ತೆಗೆದುಕೊಂಡ ಘಟನೆ ಈಗ ದೊಡ್ಡ ಚರ್ಚೆಗೆ ಕಾರಣವಾಗಿದೆ.ಇದು ನಿಜವಾದ ಪ್ರಕರಣವೇ…? ಅಥವಾ ಯಾರಾದರೂ ಬಲಿ ಪಡೆದರಾ…? ಅನ್ನೋ ಅನುಮಾನ ಜನರಲ್ಲಿ ಮೂಡಿದೆ..ಸೂತ್ರಗಳ ಪ್ರಕಾರ—ವಿದ್ಯಾರ್ಥಿಯ ಮೇಲೆ ಗಾಂಜಾ ಸಂಪರ್ಕದ ಆರೋಪ ಹೊರಿಸಲಾಗಿತ್ತು.ಆದರೆ ಆತನ ಕುಟುಂಬ ಮತ್ತು ಸ್ಥಳೀಯರು ಹೇಳೋದೇ ಬೇರೆ ಕಥೆ…ಅವನು ಓದೋ ಹುಡುಗ… ಗಾಂಜಾ ಜೊತೆ ಅವನಿಗೆ ಸಂಬಂಧವೇ ಇಲ್ಲ… ಬಡತನದ ಮೇಲೆ ಅಧಿಕಾರದ ಬಲಪ್ರಯೋಗ ಆಗಿದೆ… ಎಂಬ ಮಾತುಗಳು ಕೇಳಿಬರುತ್ತಿವೆ.ಇನ್ನೊಂದು ಅಚ್ಚರಿಯ ಸಂಗತಿ—ಈ ಪ್ರಕರಣದ ಹಿಂದೆ ಹಣದ ವಾಸನೆ ಇದೆಯಾ ಎಂಬ ಅನುಮಾನವೂ ಮೂಡಿದೆ.ದುಡ್ಡು ಕೊಡದೇ ಇದ್ದರೆ ಕೇಸ್ ಹಾಕುತ್ತಾರೆ” ಎಂಬ ಆರೋಪಗಳು ಸಾರ್ವಜನಿಕ ವಲಯದಲ್ಲಿ ಗುಸುಗುಸು ಮಾತುಗಳಾಗಿ ಹರಿದಾಡುತ್ತಿವೆ..ನಗರದ ಪೊಲೀಸ್ ಕಮೀಷನರ್ ಡ್ರಗ್ಸ್ ವಿರುದ್ಧ ಕಠಿಣ ಹೋರಾಟ ನಡೆಸುತ್ತಿದ್ದ ಸಮಯದಲ್ಲೇ, ಕೆಳ ಹಂತದ ಕೆಲ ಪೊಲೀಸರ ನಡೆ ಇಲಾಖೆ ಮೇಲೆ ಕಪ್ಪುಮೆರೆ ಬೀರಿದಂತಾಗಿದೆ..ಪ್ರಕರಣ ಗಂಭೀರವಾಗುತ್ತಿದ್ದಂತೆ—ವಿದ್ಯಾಗಿರಿ ಠಾಣೆಯ ಹೆಡ್ ಕಾನಸ್ಟೇಬಲ್ ಚಂದ್ರು ನಡುವಿನಮನಿ, ಕಿರಣ ಡೊಕ್ಕನ್ನವರ ಹಾಗೂ ಪೇದೆ ಸಯ್ಯದ ಅವರನ್ನು ಸಸ್ಪೆಂಡ್ ಮಾಡಲಾಗಿದೆ..ಈ ಕ್ರಮ ತಾತ್ಕಾಲಿಕ ಶಾಕ್ ನೀಡಿದ್ರೂ…ಜನರ ಮನಸ್ಸಿನ ಪ್ರಶ್ನೆಗಳು ಇನ್ನೂ ಉತ್ತರ ಹುಡುಕುತ್ತಿವೆ… ನಿಜವಾಗಿ ಏನಾಯಿತು ಆ ರಾತ್ರಿ..? ವಿದ್ಯಾರ್ಥಿ ತಪ್ಪಿತಸ್ಥನಾ ಅಥವಾ ಬಲಿಯಾಗಿದನಾ..? ತಾಯಿಯ ಕಣ್ಣೀರಿಗೆ ನ್ಯಾಯ ಸಿಗುತ್ತದೆಯಾ..? ಒಂದು ಬಡ ಮನೆಯ ಕನಸು…ಒಂದು ವಿದ್ಯಾರ್ಥಿಯ ಭವಿಷ್ಯ…

ಒಂದು ಪೊಲೀಸ್ ಇಲಾಖೆಯ ಗೌರವ…ಇವು ಮೂವತ್ತೂ ಈಗ ಒಂದೇ ಪ್ರಕರಣದ ತೂಕದ ತಟ್ಟೆಯಲ್ಲಿ ನಿಂತಿವೆ.ಧಾರವಾಡದಲ್ಲಿ ಈ ಪ್ರಕರಣ ಕೇವಲ ಒಂದು ಕೇಸ್ ಅಲ್ಲ… ಇದು ನ್ಯಾಯದ ಪರೀಕ್ಷೆ.