ನಕಲಿ ಚಿನ್ನ ಅಡವಿಟ್ಟು ಬ್ಯಾಂಕಿಗೆ 3.49 ಲಕ್ಷ ರೂ. ಮೋಸ

ಪಡುಬಿದ್ರಿಯ ಆಯಕ್ಸಿಸ್‌ ಬ್ಯಾಂಕಿನಲ್ಲಿ ಅಸಲಿ ಚಿನ್ನವೆಂದು 103.750ಗ್ರಾಂ ನಕಲಿ ಚಿನ್ನವನ್ನು ಅಡವಿರಿಸಿ ಗೋವಾದ ರಾಜೀವ ಕಲಾಯ ಚಿನ್ನಲ್‌ಕುಜಿಲ್‌ ಕುಟ್ಟಪ್ಪನ್‌ ಎಂಬಾತನು 3.49ಲಕ್ಷ ರೂ. ಗಳನ್ನು ಪಡೆದು ಮೋಸಮಾಡಿರುವ ಕುರಿತಾಗಿ ಪಡುಬಿದ್ರಿ ಪೊಲೀಸ್‌ ಠಾಣೆಯಲ್ಲಿಂದು ಪ್ರಕರಣವು ದಾಖಲಾಗಿದೆ. 2025ರ ಡಿಸೆಂಬರ್‌ನಲ್ಲಿ ಅಡವಿಟ್ಟ ಚಿನ್ನವನ್ನು ಪರಿಶೀಲಿಸಿದಾಗ ಅದು ನಕಲಿ ಎಂಬುದು ಪತ್ತೆಯಾಗಿತ್ತು. ಇದೀಗ ಶಾಖಾಧಿಕಾರಿ ಪ್ರದೀಪ್‌ ಕುಮಾರ್‌ ಈ ಕುರಿತು ಪೊಲೀಸರಿಗೆ ದೂರು ನೀಡಿದ್ದಾರೆ.