ಯುವಕನರ ಭೀಕರ ಹತ್ಯೆ: ಕೊಲೆಗೈದು ಮನೆ ಎದುರು ಎಸೆದ ದುರುಳರು

ಕಲಬುರಗಿ: ಯುವಕನೊಬ್ಬನನ್ನು ಕೊಲೆ ಮಾಡಿ, ಆತನ ಮನೆಯ ಅಂಗಳದಲ್ಲಿ ದೇಹವನ್ನು ಬಿಸಾಕಿ ಹೋಗಿರುವ ಭೀಕರ ಟನೆ ನಂದೂರ ಬಿ ಗ್ರಾಮದ ಬಾಪುನಾಯಕ ತಾಂಡಾದಲ್ಲಿ ನಡೆದಿದೆ. ತಾಂಡಾದ ಪ್ರಕಾಶ ಪವಾರ್​ (29) ಕೊಲೆಗೀಡಾದ ಯುವಕ. ದೇಹದ ಕಣ್ಣಿನ ಹುಬ್ಬಿನ ಮೇಲೆ ಹಲ್ಲೆ ಮಾಡಿದ ರಕ್ತಗಾಯವಾಗಿದ್ದು, ಕಿತ್ತುಗೆ ಮೇಲೆ ಕಂದು ಗಟ್ಟಿದ ಗಾಯವಾಗಿದ್ದು, ಕಂಡು ಬಂದಿದೆ. ಮೇ 10ರಂದು ಮಧ್ಯಾಹ್ನ ಪ್ರಕಾಶನೂ ತಾಂಡಾದ ಸಚಿನ ರಾಠೋಡ್​ ಜತೆಗೆ ಜಗಳವಾಡಿದ್ದು, ಸ್ಥಳಿಯರು ಬಿಡಿಸಿ ಕಳುಹಿಸಿದ್ದಾರೆ. ಕೆಲಸ ಮುಗಿಸಿ ಪ್ರಕಾಶ ಮಧ್ಯರಾತ್ರಿ 1ಗಂಟೆಗೆ ಮನೆಗೆ ಬಂದಿದ್ದು, ಕೆಲ ಹೊತ್ತಿನ ನಂತರ ಪುನ: ಹೊರ ಹೋಗಿದ್ದಾನೆ. ಮನೆಯವರು ಮಲಗಿದ್ದು, ಗುರುವಾರ ಬೆಳಗ್ಗೆ 6ಗಂಟೆಗೆ ನೋಡಿದಾಗ ಪ್ರಕಾಶನ ದೇಹ ಅಂಗಳದಲ್ಲಿ ಬಿದ್ದಿದ್ದು, ಕಂಡು ಬಂದಿದೆ. ದೇಹದ ಮೇಲೆ ಗಾಯಗಳಾಗಿದ್ದು, ಕಂಡು ಬಂದಿವೆ. ಜಗಳ ತೆಗೆದಿದ್ದ ಸಚಿನ ರಾಠೋಡ್​ ಹಾಗೂ ಆತನ ಸಹಚರರು ಕೂಡಿ ಕೊಲೆ ಮಾಡಿದ್ದಾರೆ ಎಂದು ಮೃತನ ತಾಯಿ ಅನಸೂಯಾಬಾಯಿ ದೂರಿನಂತೆ ವಿಶ್ವವಿದ್ಯಾಲಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.