ದಾವಣಗೆರೆ: ‘ಎಐ ಚಿರತೆ’ ಆತಂಕ ಸೃಷ್ಟಿಸಿದ ಯುವಕನ ವಿರುದ್ಧ ದೂರು

ದಾವಣಗೆರೆ: ಹರಿಹರ ತಾಲ್ಲೂಕಿನ ನಂದೀಶ್ವರ ಕ್ಯಾಂಪ್‌ನಲ್ಲಿ ಚಿರತೆ ಕಾಣಿಸಿಕೊಂಡಿದೆ ಎಂಬುದು ಸುಳ್ಳು. ವಾಸನ ಗ್ರಾಮದ ಸುನೀಲ್ (20) ಎಐ ಬಳಸಿ ಚಿರತೆ ಪ್ರತ್ಯಕ್ಷವಾದಂತೆ ಫೋಟೊ ಸೃಷ್ಟಿಸಿ ಹಂಚಿಕೊಂಡಿದ್ದಾನೆ ಎಂದು ಅರಣ್ಯಾಧಿಕಾರಿಗಳು ತಿಳಿಸಿದ್ದಾರೆ. ಈ ಮೂಲಕ ಜನರಲ್ಲಿ ಆತಂಕ ಸೃಷ್ಟಿಸಿದ ಆರೋಪದಡಿ ಸುನೀಲ್ ವಿರುದ್ಧ ಮಲೇಬೆನ್ನೂರು ಠಾಣೆಗೆ ದೂರು ನೀಡಲಾಗಿದೆ. ವಿಚಾರಣೆ ವೇಳೆ ಆತ ತಪ್ಪೊಪ್ಪಿಕೊಂಡಿದ್ದಾನೆ. ಮತ್ತೊಮ್ಮೆ ಈ ರೀತಿ ಮಾಡದಂತೆ ಎಚ್ಚರಿಕೆ ನೀಡಿ ಸುನೀಲ್‌ನನ್ನು ಪೊಲೀಸರು ಬಿಟ್ಟು ಕಳುಹಿಸಿದ್ದಾರೆ.