ಅತ್ತೆ ಪ್ರಿಯಕರನ ಜೊತೆ ಸೊಸೆ ಲವ್ವಿಡವ್ವಿ: ಆತ್ಮಹತ್ಯೆ ಎಂದುಕೊಂಡಿದ್ದ ಕೇಸ್‌ಗೆ ಬಿಗ್ ಟ್ವಿಸ್ಟ್ ಕೊಟ್ಟ ಮುಗ್ಧ ಮಗಳು, ಚನ್ನಗಿರಿಯ ಅಜ್ಜಿಹಳ್ಳಿಯಲ್ಲಿ ತಾಯಿ ಅಕ್ರಮ ಸಂಬಂಧ ಬಯಲು!

ದಾವಣಗೆರೆ ಜಿಲ್ಲೆಯ ಚನ್ನಗಿರಿ ತಾಲೂಕಿನ ಅಜ್ಜಿಹಳ್ಳಿ ಗ್ರಾಮದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ವ್ಯಕ್ತಿಯೊಬ್ಬರ ಮೃತದೇಹ ಪತ್ತೆಯಾಗಿದ್ದು, ಪ್ರಕರಣ ಇದೀಗ ಕೊಲೆ ಶಂಕೆಯ ತಿರುವು ಪಡೆದುಕೊಂಡಿದೆ. ಮೃತ ಶಕ್ತಿಕುಮಾರ್‌ ಅವರ ಪತ್ನಿ ಹಾಗೂ ಗೋಪಾಲ್‌ ವಿರುದ್ಧ ಕುಟುಂಬಸ್ಥರು ಆರೋಪ ಮಾಡಿದ್ದಾರೆ. ತಂದೆಯ ಮೇಲೆ ತಾಯಿ ಹಾಗೂ ಗೋಪಾಲ್‌ ಹಲ್ಲೆ ನಡೆಸಿದ್ದನ್ನು ಬಾಲಕಿ ಕಣ್ಣಾರೆ ಕಂಡಿದ್ದಾಳೆ ಎನ್ನಲಾಗಿದ್ದು, ಸಂಬಂಧಿಕರ ಮುಂದೆ ನಡೆದ ಘಟನೆಯನ್ನು ವಿವರಿಸಿದ್ದಾಳೆ. ಈ ಹೇಳಿಕೆ ಆಧರಿಸಿ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ. ಶಕ್ತಿಕುಮಾರ್‌ ಅವರನ್ನು ಉಸಿರುಗಟ್ಟಿಸಿ ಕೊಂದು ಬಳಿಕ ನೇಣು ಹಾಕಿ ಆತ್ಮಹತ್ಯೆಯಂತೆ ಬಿಂಬಿಸಲಾಗಿದೆ ಎಂದು ಕುಟುಂಬಸ್ಥರು ಆರೋಪಿಸಿದ್ದಾರೆ. ಮರಣೋತ್ತರ ಪರೀಕ್ಷೆ ವರದಿ ಬಂದ ಬಳಿಕ ಸಾವಿನ ನಿಖರ ಕಾರಣ ತಿಳಿಯಲಿದೆ.