ಆಸ್ತಿಗಾಗಿ ಬೀದಿಗೆ ಬಂದ ಅತ್ತೆ ಸೊಸೆ ಜಗಳ

ಬೆಳಗಾವಿ ಮಾಜಿ ಶಾಸಕನ ಆಸ್ತಿಗಾಗಿ ಕುಟುಂಬಸ್ಥರ ಕಿತ್ತಾಟ ಈಗ ರಸ್ತೆಗೆ ಬಂದು ನಿಂತಿದೆ. ಎಂಇಎಸ್ ಮಾಜಿ ಶಾಸಕ ದಿ. ಸಂಭಾಜೀ ಪಾಟೀಲ್ ಗೆ ಸೇರಿದ ಆಸ್ತಿಗಾಗಿ ಸಂಭಾಜೀ ಪತ್ನಿ ಉಜ್ವಲಾ ಪಾಟೀಲ್ ಹಾಗೂ ಸೊಸೆ ನಡುವೆ ಜಗಳ ಎದಿದ್ದು, ಅತ್ತೆ ಬಂದೂಕು ತೋರಿಸಿ ಹೆದರಿಸುತ್ತಿದ್ದಾಳೆ ಎಂದು ಸೊಸೆ ಆರೋಪ ಮಾಡಿದ್ದಾರೆ. ಈ ಒಂದು ಗಲಾಟೆ ಬೆನಕನಹಳ್ಳಿ ಗ್ರಾಮದ ಫಾರ್ಮ್ ಹೌಸ್ ಬಳಿ ಮಾಡಿಕೊಂಡಿದ್ದಾರೆ. ಸಂಭಾಜೀ ಪಾಟೀಲ್ ಎರಡನೇ ಸೊಸೆ ಸಾಧನಾ ಸಾಗರ್ ಪಾಟೀಲ್ ಗಲಾಟೆ ಮಾಡಿದ್ದು, ಅತ್ತೆ ಉಜ್ವಲಾ ಪಾಟೀಲ್ ಮನೆಯಿಂದ ಹೊರ ಹಾಕಿದ್ದಾರೆ ಎಂದು ಆರೋಪ ಮಾಡಿ ಗಲಾಟೆ ಮಾಡಿದ್ದಾರೆ. ಇದರ ಹಿನ್ನೆಲೆಯಲ್ಲಿ ಖಾಸಗಿ ಭದ್ರತಾ ಪಡೆಯಿಂದ ಪಾಟೀಲ್ ಮನೆಗೆ ಸ್ಥಳೀಯ ಭದ್ರತಾ ಸಂಸ್ಥೆ ಬಿಗಿ ಬಂದೋಬಸ್ತ್ ನೀಡಲಾಗಿದ್ದು, ಮನೆಯಲ್ಲಿ ಇಟ್ಟಿದ್ದ ಬಂದೂಕ್ ನ್ನು ಗ್ರಾಮೀಣ ಪೋಲೀಸ್ರು ತಮ್ಮ ವಶಕ್ಕೆ ಪಡೆದಿದ್ದಾರೆ.