ಕಾಯಿಮೊಟ್ಟೆಯೊಳಗೆ ಅವಿತಿದ್ದ ನಾಗರಹಾವಿನ ಸುರಕ್ಷಿತ ಬಂಧನ

ಮಂಡ್ಯ : ಇಲ್ಲಿನ ಉದ್ಯಮಿ ಎನ್.ನಂಜರಾಜು ಅವರ ಮನೆಯ ಮುಂಭಾಗದಲ್ಲಿ ಹಾಕಿದ್ದ ಕಾಯಿಮೊಟ್ಟೆಯೊಳಗೆ ಅವಿತಿದ್ದ ನಾಗರಹಾವನ್ನು ಉರಗತಜ್ಞ ಸ್ನೇಕ್ ಮುನ್ನಾ ಅವರು ಸುರಕ್ಷಿತವಾಗಿ ಹಿಡಿದು ನಾಗರಹಾವನ್ನು ಕಂಡು ಭಯಬೀತರಾಗಿದ್ದ ಮನೆಯ ಜನರ ಭೀತಿಯನ್ನು ಹೋಗಲಾಡಿಸಿದ್ದಾರೆ.ಬುಸುಗುಡುತ್ತಾ ಹೆಡೆಯೆತ್ತಿಕೊಂಡು ಕಚ್ಚಲು ಬರುತ್ತಿದ್ದ ನಾಗರಹಾವನ್ನು ಜಾಣ್ಮೆಯಿಂದ ಹಿಡಿದು ಪ್ಲಾಸ್ಟಿಕ್ ಬಾಟಲಿನೊಳಗೆ ಬಂಧಿಸಿದ ಮುನ್ನಾ ಸುರಕ್ಷಿತವಾಗಿ ಅರಣ್ಯಕ್ಕೆ ಬಿಡುವುದಾಗಿ ತಿಳಿಸಿದ್ದಾರೆ.