48 ಗಂಟೆಯಲ್ಲಿ ಬರೋಬ್ಬರಿ ನೂರು ಕೆ.ಜಿ ಚಿನ್ನ ಸಿಕ್ತು..!

ಡೈರಕ್ಟೇಟ್​ ಆಫ್​ ರೆವಿನ್ಯೂ ಇಂಟಲಿಜೆನ್ಸ್​ನ ಇಂದು ದೇಶದ ಐದು ಮಹಾನಗರಗಳಲ್ಲಿ ಏಕಕಾಲದಲ್ಲಿ ದಾಳಿ ನಡೆಸಿದೆ. ಅಧಿಕಾರಿಗಳು ಬೆಂಗಳೂರು ಸೇರಿದಂತೆ ಚೆನೈ, ನವದೆಹಲಿ, ಮಧುರೈ, ಪಶ್ಚಿಮ ಬಂಗಾಳದ ಸಿಲಿಗುರಿಯಲ್ಲಿ ದಾಳಿ ನಡೆಸಿದ್ರು. ಕಳೆದ 48 ಗಂಟೆಯ ಸತತ ಕಾರ್ಯಾಚರಣೆ ನಡೆಸಿದ ಅಧಿಕಾರಿಗಳು ಬರೋಬ್ಬರಿ ನೂರು ಕೆ.ಜಿ ಚಿನ್ನದ ಬಿಸ್ಕೆಟ್ಸ್​ಗಳನ್ನು ವಶಕ್ಕೆ ಪಡೆದಿದ್ದಾರೆ. ಇನ್ನು ಕಸ್ಟಮ್ಸ್ ಌಕ್ಟ್​ನಡಿಯಲ್ಲಿ ಈ ಸಂಬಂಧ ಐವರನ್ನ ಬಂಧಿಸಲಾಗಿದೆ. ಇವರೆಲ್ಲಾ ಸರ್ಕಾರಕ್ಕೆ ತೆರಿಗೆ ವಂಚನೆ ಮಾಡಿ ಚಿನ್ನ ಸರಬರಾಜು ಮಾಡುತ್ತಿದ್ದರು. ದೀಪಾವಳಿ ಹಬ್ಬದ ಪ್ರಯುಕ್ತ ಚಿನ್ನಕ್ಕೆ ಭಾರಿ ಬೇಡಿಕೆ ಹಿನ್ನೆಲೆ, ಚೀನಾ, ಭೂತಾನ್, ಮಯನ್ಮಾರ್,ದುಬೈನಿಂದ ಚಿನ್ನವನ್ನು ಕಳ್ಳಸಾಗಣೆ ಮಾಡುತ್ತಿದ್ದರು.