ಅಕ್ಟೋಬರ್​ನಲ್ಲಿ ₹1 ಲಕ್ಷ ಕೋಟಿ ಗಡಿ ದಾಟಿತು ಜಿಎಸ್​​ಟಿ ಸಂಗ್ರಹ..!

ಅಕ್ಟೋಬರ್​ ತಿಂಗಳಲ್ಲಿ ಸಂಗ್ರಹವಾದ ಜಿಎಸ್​​ಟಿ(ಸರಕು ಹಾಗೂ ಸೇವಾ ತೆರಿಗೆ) ಹಣ ₹1 ಲಕ್ಷ ಕೋಟಿ ದಾಟಿದೆ ಎಂದು ಹಣಕಾಸು ಸಚಿವ ಅರುಣ್​ ಜೇಟ್ಲಿ ಹೇಳಿದ್ದಾರೆ. ಸೆಪ್ಟೆಂಬರ್​​ನಲ್ಲಿ ಜಿಎಸ್​​ಟಿಯಿಂದ ಬಂದಿದ್ದ ಆದಾಯ ₹94,442 ಕೋಟಿ. ಏಪ್ರಿಲ್​​ನಲ್ಲಿ ಮೊದಲ ಬಾರಿಗೆ ಲಕ್ಷ ಗಡಿ ದಾಟಿದ್ದ ಜಿಎಸ್​​ಟಿ ಹಣ ಅನಂತರ 90 ಸಾವಿರ ಕೋಟಿ ಆಸುಪಾಸಿನಲ್ಲೇ ಇತ್ತು. ಇದೀಗ ₹1 ಲಕ್ಷ ಕೋಟಿ ಗಡಿ ದಾಟಿರುವುದಕ್ಕೆ ಜೇಟ್ಲಿ ಸಂತಸ ವ್ಯಕ್ತಪಡಿಸಿದ್ದಾರೆ.ಕಡಿಮೆ ದರ, ಕಡಿಮೆ ತೆರಿಗೆ ವಂಚನೆ, ಹೆಚ್ಚಿನ ಅನುಸರಣೆ, ಏಕಮಾತ್ರ ತೆರಿಗೆ ಹಾಗೂ ತೆರಿಗೆ ಅಧಿಕಾರಿಗಳಿಂದ ನಗಣ್ಯವಾದ ಹಸ್ತಕ್ಷೇಪವೇ ಜಿಎಸ್​​ಟಿಯ ಯಶಸ್ಸಿಗೆ ಕಾರಣ ಎಂದು ಜೇಟ್ಲಿ ಟ್ವೀಟ್​ ಮಾಡಿದ್ದಾರೆ.ಮೇ ತಿಂಗಳಲ್ಲಿ ಜಿಎಸ್​​ಟಿಯಿಂದ ಗಳಿಸಿದ್ದ ಆದಾಯ ₹94,016 ಕೋಟಿ, ಹಾಗೇ ಜೂನ್​ನಲ್ಲಿ ₹95,610 ಕೋಟಿ ಸಂಗ್ರಹವಾಗಿತ್ತು. ಇನ್ನು ಜುಲೈನಲ್ಲಿ ₹96,483 ಕೋಟಿ, ಆಗಸ್ಟ್​​ನಲ್ಲಿ ₹93,960 ಕೋಟಿ ಹಾಗೂ ಸೆಪ್ಟೆಂಬರ್​​ನಲ್ಲಿ ₹93,960 ಕೋಟಿ ಸಂಗ್ರಹವಾಗಿತ್ತು.