ಮತಪಟ್ಟಿಯಲ್ಲಿ 30 ಲಕ್ಷ ಮತದಾರರ ಹೆಸರಿಲ್ಲದಿದ್ದಕ್ಕೆ ಆಪ್​ ಸಿಡಿಮಿಡಿ..!

ದೆಹಲಿಯಲ್ಲಿ 30 ಲಕ್ಷ ಮತದಾರರ ಹೆಸರನ್ನು ಮತಪಟ್ಟಿಯಿಂದ ಕೈಬಿಡಲಾಗಿದೆ ಎಂದು ಆಮ್​ ಆದ್ಮಿ ಪಾರ್ಟಿ ಆರೋಪ ಮಾಡಿದೆ. ಈ ಹಿನ್ನೆಲೆ ಸದ್ಯದಲ್ಲೇ ಮತದಾರರ ಮನೆಮನೆಗೆ ತೆರಳಿ ಕ್ಯಾಂಪೇನ್​ ಪ್ರಾರಂಭ ಮಾಡೋದಾಗಿ ಆಪ್​ ತಿಳಿಸಿದೆ. ಈ ಕುರಿತು ಮಾತನಾಡಿದ ಆಪ್​ ಮುಖ್ಯಸ್ಥೆ ಅತಿಶಿ, ದೆಹಲಿಯಲ್ಲಿ ಮತದಾರರ ಪಟ್ಟಿಯಿಂದ 30 ಲಕ್ಷ ಮತದಾರರ ಹೆಸರನ್ನ ಕೈ ಬಿಡಲಾಗಿದೆ. ಪೂರ್ವ ದೆಹಲಿಯ ಭಾಗದಲ್ಲಿ 4 ಲಕ್ಷ ಮತದಾರರ ಹೆಸರು ಪಟ್ಟಿಯಲ್ಲಿ ಇಲ್ಲ. ಅದರಲ್ಲಿ ಬಹುತೇಕ ವ್ಯಾಪಾರಿಗಳ ಹೆಸರು ಸೇರಿದಂತೆ ಪೂರ್ವಾಂಚಲಿ ಸಮುದಾಯಕ್ಕೆ ಸೇರಿದ ಹೆಸರುಗಳಿವೆ. ಹೀಗಾಗಿ ನಾವು ಮತದಾರರ ಮನೆಮನೆಗೆ ತೆರಳಿ ಮತಪಟ್ಟಿಗೆ ಅವರ ಹೆಸರು ಸೇರಿಸುವ ಕೆಲಸ ಮಾಡುತ್ತೇವೆ ಎಂದಿದ್ದಾರೆ. ಈ ಹಿಂದೆಯೇ ದೆಹಲಿ ಚುನಾವಣಾ ಆಯೋಗ ಸಮೀಕ್ಷೆ ನಡೆಸಿ, ಆಪ್ ಆರೋಪ ಸಂಪೂರ್ಣ ನಿರಾಧಾರವಾಗಿದೆ ಅಂತ ಹೇಳಿತ್ತು.