ಬಜೆಟ್ 2022ರ ಪ್ರಮುಖ ಹೈಲೇಟ್ಸ್ ಇಲ್ಲಿವೆ ನೋಡಿ

ನವದೆಹಲಿ :  ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಇಂದು ಹೊಸ ವರ್ಷದ 2022  ಬಜೆಟ್ ಮಂಡಿಸಿದ್ದಾರೆ. ಕೆಲವೊಂದು ಪ್ರಮುಖ ತೀರ್ಮಾನ ಗಳನ್ನು ತಗೆದುಕೊಳ್ಳಲಾಗಿದೆ.

  ಬಜೆಟ್ 2022 ಪ್ರಮುಖ ನಿರ್ಧಾರ ಇಲ್ಲಿದೆ ನೋಡಿ

* ಬಜೆಟ್‌ ನಲ್ಲಿ ಮಧ್ಯಮ ವರ್ಗದವರು, ರೈತರು, ಮಹಿಳೆಯರನ್ನು ಕಡೆಗಣಿಸಲಾಗಿದೆ ಎಂದು ವಿರೋಧ ಪಕ್ಷಗಳು ಟೀಕಿಸಿವೆ. ಪ್ರಧಾನಿ ನರೇಂದ್ರ ಮೋದಿ ಅವರು, ಬಡವರ ಉನ್ನತಿಗೆ ಬಜೆಟ್‌ ಆದ್ಯತೆ ನೀಡಿದೆ ಎಂದು ಹೇಳಿದ್ದಾರೆ.

* ಈ ಬಾರಿ ಆದಾಯ ತೆರಿಗೆ ಮೇಲಿನ ಯಾವುದೇ ಬದಲಾವಣೆ ಇಲ್ಲ. ಸಹಕಾರಿ ಮತ್ತು ವೈಯಕ್ತಿಕ ಆದಾಯ ತೆರಿಗೆ ದರಗಳೂ ಬದಲಾಗದೆ ಉಳಿದಿವೆ.

* ಈ ಸಾಲಿನ ಬಜೆಟ್‌ ಗಾತ್ರ 39.5 ಲಕ್ಷ ಕೋಟಿ ರೂ. ಆಗಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಶೇ.7.4ರಷ್ಟು ಹೆಚ್ಚಿದೆ. 2021ರ ಹಣಕಾಸು ವರ್ಷದ ಬಜೆಟ್‌ ಗಾತ್ರ 35.1 ಲಕ್ಷ ಕೋಟಿ ಇತ್ತು. 2020ರಲ್ಲಿ ಬಜೆಟ್‌ ಗಾತ್ರ 37.7 ಲಕ್ಷ ಕೋಟಿ ರೂ. ಇತ್ತು.

* ಮುಂದಿನ ಐದು ವರ್ಷಗಳಲ್ಲಿ 60 ಲಕ್ಷ ಹೊಸ ಉದ್ಯೋಗಗಳು ಮತ್ತು 30 ಲಕ್ಷ ಕೋಟಿ ಹೆಚ್ಚುವರಿ ಉತ್ಪಾದನೆಯನ್ನು ಸೃಷ್ಟಿಸುವ ಸಾಮರ್ಥ್ಯದೊಂದಿಗೆ ಆತ್ಮ ನಿರ್ಭರ್‌ ಭಾರತ್‌ ಸಾಧಿಸಲು ಪ್ರೊಡಕ್ಷನ್‌ ಲಿಂಕ್ಡ್‌ ಇನ್ಸೆಂಟಿವ್‌ (ಪಿಐಎಲ್‌) ಯೋಜನೆಗೆ ಉತ್ತಮ ಪ್ರತಿಕ್ರಿಯೆ ಲಭಿಸಿದೆ ಎಂದು ಹೇಳಿದ್ದಾರೆ.

* ವರ್ಜುವಲ್‌ ಡಿಜಿಟಲ್‌ ಸ್ವತ್ತುಗಳ ವರ್ಗಾವಣೆಯಿಂದ ಬರುವ ಯಾವುದೇ ಆದಾಯಕ್ಕೆ ಶೇ.30 ತೆರಿಗೆ ವಿಧಿಸಲಾಗುತ್ತದೆ. ಡಿಜಿಟಲ್‌ ರುಪಿಯನ್ನು ಪರಿಚಯಿಸುವ ಪ್ರಸ್ತಾವನೆಯನ್ನು ಕೇಂದ್ರ ಸರ್ಕಾರ ಮಂಡಿಸಿದೆ. ಬ್ಲಾಕ್‌ ಚೈನ್‌ ಮತ್ತು ಇತರೆ ತಂತ್ರಜ್ಞಾನಗಳನ್ನು ಬಳಸಿಕೊಂಡು ಡಿಜಿಟಲ್‌ ರುಪಿಯನ್ನು ನೀಡಲಾಗುವುದು ಎಂದು ಸಚಿವರು ಹೇಳಿದ್ದಾರೆ.