ಕ್ರಿಕೆಟ್ ಬೆಟಿಂಗ್ : 3 ಆರೋಪಿ ಬಂಧನ

ಹುಬ್ಬಳ್ಳಿ : IPL ಪ್ರಾರಂಭವಾದರೆ ಸಾಕು ನಗರದಲ್ಲಿ ಕ್ರಿಕೆಟ್ ಬೆಟಿಂಗ್ ಹಾವಳಿ ಹೆಚ್ಚಾಗುತ್ತದೆ. ಬೆಟಿಂಗ್ ಆಡುತ್ತಿದ್ದ ಮೂವರು ಆರೋಪಿಗಳನ್ನು ನಗರದ ಕ್ರಿಶ್ಚಿಯನ್ ಕಾಲೋನಿಯ ದೊಡ್ಡಮನಿ ಮೈದಾನದಲ್ಲಿ ಬೆಂಡಿಗೇರಿ ಪೊಲೀಸರು ಬಂಧಿಸಿದ್ದಾರೆ.

ಅವರಿಂದ 18,100 ರೂ . ಮತ್ತು 10 ಸಾವಿರದ ಎರಡು ಮೊಬೈಲ್‌ಗಳನ್ನು ವಶಪಡಿಸಿಕೊಂಡಿದ್ದಾರೆ . ಪುಣೆಯಲ್ಲಿ ನಡೆಯುತ್ತಿದ್ದ ಐಪಿಎಲ್‌ನ ಸನ್‌ರೈಜರ್ಸ್ ಹೈದರಾಬಾದ ಹಾಗೂ ರಾಜಸ್ಥಾನ ರಾಯಲ್ಸ್ ತಂಡಗಳ ನಡುವಿನ ಪಂದ್ಯನಡೆದಾಗ ಓವರ್ , ವಿಕೆಟ್ ಮತ್ತು ಸೋಲು , ಗೆಲುವಿನ ಮೇಲೆ ಬೆಟಿಂಗ್ ಆಡುತ್ತಿರುವಾಗ ಖಚಿತ ಮಾಹಿತಿಯ ಮೇರೆಗೆ ಪೊಲೀಸರು ದಾಳಿ ನಡೆಸಿದ್ದಾರೆ . ನಂತರ ಮೂವರನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.ಬೆಂಡಿಗೇರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ .