ಭಾರೀ ಹಣಾಹಣಿಯ ಪ್ರತಿಷ್ಠಿತ ಚುನಾವಣೆ : ತೆರೆಮರೆಯಲ್ಲಿ ಭಾರೀ ಕಸರತ್ತು

ಹುಬ್ಬಳ್ಳಿ: ಭಾರೀ ಹಣಾಹಣಿಯ ಪ್ರತಿಷ್ಠಿತ ಚುನಾವಣಾ ಅಖಾಡ ಪಶ್ಚಿಮ ಶಿಕ್ಷಕರ ಕ್ಷೇತ್ರ. ಈ ಕ್ಷೇತ್ರಕ್ಕೆ ಚುನಾವಣೆಯ ದಿನಾಂಕ ಈಗಾಗಲೇ ಘೋಷಣೆಯಾಗಿದೆ. ಸಾಕಷ್ಟು ಚಟುವಟಿಕೆಗಳು ಒಳೊಳಗೆ ತಯಾರು ಮಾಡಿಕೊಳ್ಳಲಾಗುತ್ತಿದೆ. ಶಿಕ್ಷಕರ ಕ್ಷೇತ್ರದಲ್ಲಿ ಇದೀಗ ಮಿಂಚಿನ ರಾಜಕೀಯ ಚಟುವಟಿಕೆಗಳು ನಡೆದಿವೆ. ಈ ಮೊದಲು ನಡೆದ ಚುನಾವಣೆಗಳಂತೆ ಈ ಸಲದ ಚುನಾವಣೆಯಲ್ಲಿ ಅಲ್ಲಾ.

ಭಾರತೀಯ ಜನತಾ ಪಕ್ಷದ ಅಭ್ಯರ್ಥಿಯಾಗಿ ಹಾಲಿ ವಿಧಾನ ಸಭಾ ಸಭಾಪತಿ ಬಸವರಾಜ ಹೊರಟ್ಟಿ ಕಣಕ್ಕೆ ಇಳಿಯಲು ಕಸರತ್ತು ನಡೆಸಿದ್ದಾರೆ. ಇನ್ನೊಂದು ಕಡೆ
ಹೇಗಾದರೂ ಮಾಡಿ ಈ ಸಲ ಭಾರತೀಯ ಜನತಾ ಪಕ್ಷದಿಂದ ಕೈ ವಶಕ್ಕೆ ಕಾಂಗ್ರೆಸ್ ನಾಯಕರು ಶತಾಯ ಗತಾಯ ಪ್ರಯತ್ನ ಮಾಡುತಿದ್ದಾರೆ. ಶಿಕ್ಷಕರ ಕ್ಷೇತ್ರದಲ್ಲಿ ಸತತವಾಗಿ ಏಳು ಬಾರಿ ಗೆದ್ದು ದಾಖಲೆ ನಿರ್ಮಿಸಿದವರು ಬಸವರಾಜ ಹೊರಟ್ಟಿ. ಈ ಏಳು ಚುನಾವಣೆಯಲ್ಲಿ ಮೊಟ್ಟಮೊದಲ ಬಾರಿಗೆ ಸ್ವತಂತ್ರ ಅಭ್ಯರ್ಥಿಯಾಗಿ ಗೆಲುವು ಕಂಡಿದ್ದರು. ಬಳಿಕ ನಡೆದ ಆರು ಚುನಾವಣೆಗಳಲ್ಲೂ ಜನತಾ ಪರಿವಾರದಿಂದ ಸ್ಪರ್ಧಿಸಿ ಗೆಲುವು ಕಂಡವರು. ಆದರೆ ಜನತಾ ಪರಿವಾರ ನಾಮಕಾ ವಾಸ್ತೆ ವೈಯುಕ್ತಿಕ ವರ್ಚಸ್ಸಿ ಮೇಲಿಯೇ ಗೆಲ್ಲುವು ಸಾಧಿಸಿದ್ದವರು ಬಸವರಾಜ ಹೊರಟ್ಟಿ. ಈ ಬದಲಾದ ರಾಜಕೀಯ ವಿದ್ಯಮಾನಗಳಲ್ಲಿ ಬಿಜೆಪಿ ಸೇರಿ ಆ ಪಕ್ಷದಿಂದಲೇ ಕೊನೆಯ ಚುನಾವಣೆ ಎದುರಿಸಲು ಸಿದ್ಧರಾಗಿದ್ದಾರೆ. ಇನ್ನು ಭಾರತೀಯ ಜನತಾ ಪಕ್ಷಕ್ಕೆ ಅತ್ಯಂತ ಮಹತ್ವವಾದ ಚುನಾವಣೆ ಆಗಿದ್ದು ವಿಧಾನ ಪರಿಷತ್ ನಲ್ಲಿ ಸಂಖ್ಯಾ ಬಲಕ್ಕೆ ಇದು ಪೂರಕವಾಗಿದೆ.ಆದರೆ ಇದೇ ಕ್ಷೇತ್ರದಿಂದ ತನ್ನ ಅಭ್ಯರ್ಥಿಯ ಆಯ್ಕೆಗೆ ಕಾಂಗ್ರೆಸ್‌ ತಯಾರಿ ನಡೆಸಿದೆ. ಪದವೀಧರ ಕ್ಷೇತ್ರದ ಚುನಾವಣೆಯಲ್ಲಿ ಸ್ವತಂತ್ರ ಅಭ್ಯರ್ಥಿಯಾಗಿ ಸೋಲನು ಭವಿಸಿರುವ ಬಸವರಾಜ ಗುರಿಕಾರ ಅವರನ್ನು ಕಾಂಗ್ರೆಸ್‌ ತನ್ನ ಹುರಿಯಾಳು ಎಂದು ಘೋಷಿಸಿಕೊಂಡಿದೆ. ಏಳು ಬಾರಿ ಗೆದ್ದಿರುವ ಹೊರಟ್ಟಿಅವರಿಗೆ ಈ ಸಲ ಸೋಲಿಸಲೇ ಬೇಕು ಎಂಬ ಪಣ ಕಾಂಗ್ರೆಸ್ ನಾಯಕರದ್ದು ಆಗಿದೆ. ಈ ಹಿನ್ನೆಲೆಯಲ್ಲಿ ಮತದಾರರ ನೋಂದಣಿ, ಪ್ರಚಾರವನ್ನೂ ಭರ್ಜರಿಯಾಗಿ ನಡೆಸಿದ್ದು ವೈಯಕ್ತಿಕವಾಗಿ ಮತದಾರರಿಗೆ ಅಭ್ಯರ್ಥಿ ಕಾರ್ಯವೈಖರಿ, ತಮ್ಮ ಅಜೆಂಡಾ, ಶಿಕ್ಷಕ ಸಮಸ್ಯೆ ಹಾಗೂ ಮುಂದಿನ ಶೈಕ್ಷಣಿಕ ಸವಾಲುಗಳನ್ನು ಹೇಗೆ ಎದುರಿಸುವ ಕುರಿತು ಮನವರಿಕೆ ಮಾಡಿಕೊಡಲಾಗುತ್ತದೆ.

ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪ ಅವರ ಹಿಂಬಾಲಕರಾದ ವಿಧಾನ ಪರಿಷತ್‌ ಮಾಜಿ ಸದಸ್ಯ ಮೋಹನ ಲಿಂಬಿಕಾಯಿ ಅವರು ಸಹ ಬಿಜೆಪಿ ಅಭ್ಯರ್ಥಿ ಎಂದು ಸ್ವಯಂ ಘೋಷಣೆ ಮಾಡಿಕೊಂಡು ಪ್ರಚಾರ ಅಖಾಡಕ್ಕೆ ಸಹ ಇಳಿದಿದ್ದರು. ಆದರೆ ರಾಜಕೀಯ ಚಿತ್ರಣವೇ ಬದಲಾಗಿದ್ದು ಬಸವರಾಜ ಹೊರಟ್ಟಿ ಅವರಿಗೆ ಭಾರತೀಯ ಜನತಾ ಪಕ್ಷದ ಟಿಕೆಟ್ ಪಕ್ಕಾ. ಇಷ್ಟುದಿನ ತಾವೇ ಬಿಜೆಪಿ ಅಭ್ಯರ್ಥಿ ಎಂದುಕೊಂಡಿದ್ದ ಲಿಂಬಿಕಾಯಿ ಅವರಿಗೆ ಬಸವರಾಜ ಹೊರಟ್ಟಿಅವರೇ ಅಡ್ಡಗಾಲಾದಂತಾಗಿದೆ. ಟಿಕೆಟ್‌ ಸಿಗದಿದ್ದಲ್ಲಿ ಪಕ್ಷದ ನಿರ್ಧಾರಕ್ಕೆ ಬದ್ಧರಾಗಿ ಪಕ್ಷದೊಂದಿಗೆ ನಿಲ್ಲುತ್ತಾರೋ? ಅಥವಾ ಸಡ್ಡು ಹೊಡೆದು ಬಂಡಾಯ ಅಭ್ಯರ್ಥಿಯಾಗಿ ಕಣಕ್ಕಿಳಿಯುತ್ತಾರೋ ಎಂಬುದನ್ನು ಕಾದು ನೋಡಬೇಕಿದೆ.ಮೋಹನ್ ಲಿಂಬಿಕಾಯಿ ಅವರಿಗೆ ಭಾರತೀಯ ಜನತಾ ಪಕ್ಷದಲ್ಲಿ ಅಷ್ಟೊಂದು ಹಿರಿಯ ನಾಯಕರ ಬೆಂಬಲವಿಲ್ಲ.‌ಇದರಿಂದಾಗಿ ಇತ್ತೀಚೆಗೆ ಸ್ವತಃ ಅವರು ಭಾರತೀಯ ಜನತಾ ಪಕ್ಷಕ್ಕೆ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಗೃಹ ಸಚಿವರೇ ಅಷ್ಟೇ ಅಲ್ಲಾ ಎಂದು ಬಹಿರಂಗವಾಗಿ ಅಸಮಾಧಾನ ವ್ಯಕ್ತಪಡಿಸಿದ್ದರು.

ಆದ್ದರಿಂದ ಮೋಹನ್ ಲಿಂಬಿಕಾಯಿ ಅವರ ಮುಂದೆ ಯಾವ ನಿರ್ಧಾರ ತೆಗೆದುಕೊಳ್ಳಬಹುದು ಎಂಬುದು ನಿಗೂಢವಾಗಿ ಇದೆ. ಜೆಡಿಎಸ್‌ ಕೂಡ ತನ್ನ ಅಭ್ಯರ್ಥಿಯನ್ನು ಕಣಕ್ಕಿಳಿಸಲು ಚಿಂತಿಸುತ್ತಿದೆ. ಹಾಗಾಗಿ ಶಿಕ್ಷಕರ ಕ್ಷೇತ್ರದ ಚುನಾವಣೆ ಘೋಷಣೆಯಾಗುತ್ತಿದ್ದಂತೆ ರಾಜಕೀಯ ಚಟುವಟಿಕೆಗಳು ಗರಿಗೆದರಿವೆ‌. ಇನ್ನು
ಧಾರವಾಡ, ಹಾವೇರಿ, ಗದಗ, ಉತ್ತರ ಕನ್ನಡ ಜಿಲ್ಲೆಗಳ ವ್ಯಾಪ್ತಿಯ ಕ್ಷೇತ್ರವಿದು. ಒಟ್ಟು 23 ಶಾಸಕರು ಇದ್ದಾರೆ. ಇದರಲ್ಲಿ 18 ಶಾಸಕರು ಬಿಜೆಪಿ, ಐವರು ಕಾಂಗ್ರೆಸ್‌ನವರು. ಮೂವರು ಎಂಎಲ್‌ಸಿ ಪೈಕಿ ಇಬ್ಬರು ಬಿಜೆಪಿ, ಒಬ್ಬರು ಕಾಂಗ್ರೆಸ್‌ನವರು. ಈ ಕ್ಷೇತ್ರದಲ್ಲಿ ಬರುವ ಮೂವರು ಸಂಸದರೂ ಬಿಜೆಪಿಗರೇ. ಹೀಗಾಗಿ ಬಿಜೆಪಿಯ ತೂಕ ಜಾಸ್ತಿಯಿದೆ. ಇದು ಬಿಜೆಪಿ ಅಭ್ಯರ್ಥಿಗೆ ಅನುಕೂಲವಾದ ವಾತಾವರಣ ಇದೆ.
ಎರಡ್ಮೂರು ತಿಂಗಳ ಮುಂಚೆಯೇ ನಾವು ನಮ್ಮ ಅಭ್ಯರ್ಥಿಯನ್ನು ಘೋಷಿಸಿದ್ದೇವೆ. ಹೊರಟ್ಟಿಅವರು ಇದೀಗ ಬಿಜೆಪಿ ಸೇರುತ್ತಿದ್ದಾರೆ. ಈ ಬಗ್ಗೆ ಶಿಕ್ಷಕರಲ್ಲಿ ಬೇಸರವಿದೆ ಎಂಬುದು ಕಾಂಗ್ರೆಸ್ ನಾಯಕರ ಅಭಿಪ್ರಾಯವಾಗಿದೆ.