ಪಿಎಸ್ ಐ ತಂದೆಗೆ ಬುದ್ದಿ ಹೇಳಲು ಹೋದ ಮಗನಿಗೆ ಬಿತ್ತು ಧರ್ಮದ ಏಟು

ಬೆಳಗಾವಿ: ಸಮಾಜದಲ್ಲಿ ಶಾಂತಿ ಕಾಪಾಡಿ, ಜನರು ತಪ್ಪು ದಾರಿಗೆ ಇಳಿದಾಗ ಅವರನ್ನು ಸರಿದಾರಿಗೆ ತರವುದರ ಜೊತೆಗೆ ಜನರಿಗೆ ನೆಮ್ಮದಿಯ ಜೀವನ ನೀಡುವ ಜವಾಬ್ದಾರಿ ಪೊಲೀಸ್ ಇಲಾಖೆ ಮೇಲಿರುತ್ತೆ. ಆದ್ರೆ,ಇಲ್ಲೊಬ್ಬ ಪೊಲೀಸ್ ಇಲಾಖೆಯ ಅಧಿಕಾರಿ ಪೊಲೀಸ್ ಇಲಾಖೆಗೆ ಕಳಂಕ ತರುವ ಕೆಲಸ ಮಾಡಿದ್ದಾನೆ.

ಸಂಬಂಧದಲ್ಲಿ ಮಗಳಾಗುವ ಮಹಿಳೆಯೊಂದಿಗೆ ಅನೈತಿಕ ಸಂಬಂಧ ಇಟ್ಟುಕೊಂಡಿದ್ದು ಬುದ್ಧಿ ಹೇಳಲು ಹೋದ ಮಗನ ಮೇಲೆ ಪೊಲೀಸರಿಂದಲೇ ಮಾರಣಾಂತಿಕ ಹಲ್ಲೆ ಮಾಡಿಸಿದ್ದಾನೆ. ರಾಹುಲ್ ಎಂಬಾತನೇ ಹಲ್ಲೆಗೆ ಒಳಗಾದ ಯುವಕ. ಈತ ಬೆಳಗಾವಿ ಜಿಲ್ಲೆಯ ಗೋಕಾಕ ತಾಲೂಕಿನ ಕೊಣ್ಣೂರ ಗ್ರಾಮದವ. ಸದ್ಯ ಬೆಳಗಾವಿ ಖಾಸಗಿ ಪತ್ರಿಕೆಯಲ್ಲಿ ಕೆಲಸ ಮಾಡಿಕೊಂಡಿರುವ ರಾಹುಲ್ ಬೆಳಗಾವಿಯ ವೈಭವ ನಗರದಲ್ಲಿ ಹೆಂಡತಿಯೊಂದಿಗೆ ವಾಸವಾಗಿದ್ದಾರೆ. ಈತನ ತಂದೆ ಗೋಕಾಕ ತಾಲೂಕಿನ ಕುಲಗೋಡ ಪೊಲೀಸ್ ಠಾಣೆಯ ಪಿಎಸ್‌ಐ ಆಗಿ ಕೆಲಸ ಮಾಡುತ್ತಿದ್ದು ಆತನ‌ ಹೆಸರು ಸಿದ್ದಪ್ಪ ಕರನಿಂಗ್. ಇವರ ಮೇಲೆ ಇದೀಗ ಆರೋಪ ಕೇಳಿ ಬಂದಿದೆ.