ಟ್ರ್ಯಾಕ್ಟರ್ ಹಾಗೂ ಬೈಕ್ ಅಪಘಾತ , ಓರ್ವ ಸಾವು

ಧಾರವಾಡ : ತಾಲೂಕಿನ ನವಲಗುಂದ ಗುಡಿಸಾಗರ ಗ್ರಾಮದ ಬಳಿ ತಡ ರಾತ್ರಿ ಟ್ರ್ಯಾಕ್ಟರ್ ಹಾಗೂ ಬೈಕ್ ನಡುವೆ ಅಪಘಾತ ಸಂಭವಿಸಿದೆ . ಪರಿಣಾಮ ಬೈಕ್‌ನ ಹಿಂಬದಿ ಕುಳಿತಿದ್ದ ಓರ್ವ ಮೃತ ಪಟ್ಟಿದ್ದು , ಮೃತ ದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ನವಲಗುಂದ ತಾಲೂಕಾ ಸರಕಾರಿ ಆಸ್ಪತ್ರೆಗೆ ರವಾನಿಸಲಾಗಿದೆ .

ಗುಡಿಸಾಗರ ಗ್ರಾಮದ ಗುಂಡುಲಿಂಗೇಶ್ವರ ದೇವಸ್ಥಾನದ ಬಳಿ ನಡೆದ ಅಪಘಾತದಲ್ಲಿ ಸಾವನ್ನಪ್ಪಿದ್ದ ದುರ್ದೈವಿಯನ್ನು ಸುಮಾರು 37 ವರ್ಷ ವಯಸ್ಸಿನ ಬಸವರಾಜ್ ಮಲ್ಲಿಕಾರ್ಜುನ ಪಟ್ಟಿದ ಎಂದು ಗುರುತಿಸಲಾಗಿದೆ . ಬೈಕ್‌ನ ಹಿಂಬದಿ ಕುಳಿತ ಬಸವರಾಜ್ ಮೃತ ಪಟ್ಟಿದ್ದಾನೆ . ಬೈಕ್ ಸವಾರನಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು ಪ್ರಾಣಾಪಾಯದಿಂದ ಪಾರಾಗಿದ್ದಾನೆ . ಘಟನೆ ನವಲಗುಂದ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ .