ಅಮೆರಿಕ ಸರ್ಕಾರಕ್ಕೆ ವಲಸಿಗರ ನಿಯಂತ್ರಣವೇ ದೊಡ್ಡ ತಲೆನೋವಾಗಿದೆ……

ಅಮೆರಿಕ ಅಕ್ರಮ ವಲಸಿಗರ ಕಾಟಕ್ಕೆ ಬೇಸತ್ತು ಹೋಗಿದ್ದು, ಅಲ್ಲಿನ ಸರ್ಕಾರಕ್ಕೆ ವಲಸಿಗರ ನಿಯಂತ್ರಣವೇ ದೊಡ್ಡ ತಲೆನೋವಾಗಿದೆ. ಪರಿಸ್ಥಿತಿ ಹೀಗಿದ್ದಾಗ ಏನು ಮಾಡೋದು ಅಂತ ಬೈಡನ್ ಆಡಳಿತ ಪರದಾಡುವ ಸ್ಥಿತಿಯಲ್ಲೇ ಸ್ಫೋಟಕ ಮಾಹಿತಿ ಹೊರಬಿದ್ದಿದೆ. ಅಮೆರಿಕ ಈಗ ಬರೋಬ್ಬರಿ 6.4 ಮಿಲಿಯನ್ ಅಕ್ರಮ ವಲಸಿಗರಿಗೆ ತಾಣವಾಗಿ ಹೋಗಿದೆಯಂತೆ. ಈ ಪೈಕಿ ಭಾರತೀಯರ ಸಂಖ್ಯೆ ಎಷ್ಟು ಗೊತ್ತಾ?

ಒಂದು ಜಮಾನ ಇತ್ತು, ಕೇವಲ 20 ಅಥವಾ 30 ವರ್ಷಗಳ ಹಿಂದೆ ಅಮೆರಿಕದಲ್ಲಿ ಹೋಗಿ ಉದ್ಯೋಗ ಪಡೆದರೆ ಅವನ ಲೈಫ್ ಸೆಟಲ್. ಮುಂದಿನ ಜೀವನದ ಬಗ್ಗೆ ಯೋಚನೆ ಬೇಡ, ಅನ್ನೋ ಮನಸ್ಥಿತಿ ಇತ್ತು. ಆದ್ರೆ ಅಮೆರಿಕ ಈಗ ಹೆಸರಿಗೆ ಮಾತ್ರ ಶ್ರೀಮಂತ ರಾಷ್ಟ್ರವಾಗಿದೆ ಹೊರತು, ಅಲ್ಲಿ ಅಸಲಿ ಶ್ರೀಮಂತಿಕೆ ಉಳಿದಿಲ್ಲ. ಅಮೆರಿಕ ಈಗ ಜಗತ್ತಿನ ಕಡುಬಡ ದೇಶ ಅಂದರೂ ತಪ್ಪಾಗಲ್ಲ. ಅಲ್ಲಿ ಕೆಲವೇ ಕೆಲವರ ಬಳಿ ಹಣ ಉಳಿದಿರುವ ಪರಿಣಾಮ ಹಲವು ಜನರು ಬಡವರಾಗಿ ಪರದಾಡುತ್ತಿದ್ದಾರೆ. ಸ್ಥಿತಿ ಹೀಗಿದ್ದಾಗ ಏನೇನೋ ಕನಸು ಕಟ್ಟಿಕೊಂಡು ಅಮೆರಿಕದ ನೆಲಕ್ಕೆ ಹೋದವರು ಪರದಾಡುತ್ತಿದ್ದಾರೆ.

ಅಮೆರಿಕದಲ್ಲಿ ಜಗತ್ತಿನ ವಿವಿಧ ದೇಶಗಳಿಂದ ಹೋದ ಸುಮಾರು 6.4 ಮಿಲಿಯನ್ ಅಂದ್ರೆ 64 ಲಕ್ಷ ಅಕ್ರಮ ವಲಸಿಗರು ಇದ್ದು. ಈ ಪೈಕಿ 7,25,000 ಭಾರತೀಯರೇ ಸೇರಿದ್ದಾರೆಂದು ಹೊಸ ಅಧ್ಯಯನ ಹೇಳಿದೆ. ಈ ಮೂಲಕ ಅಮೆರಿಕದಲ್ಲಿ ಅಕ್ರಮವಾಗಿ ವಾಸ ಇರುವವರ ಪೈಕಿ ಭಾರತೀಯರು 3ನೇ ಸ್ಥಾನದಲ್ಲಿದ್ದಾರೆ. ಅಮೆರಿಕದ ದಕ್ಷಿಣ ಭಾಗ ಅಂದರೆ ಮೆಕ್ಸಿಕೋ ಜೊತೆ ಗಡಿ ಹಂಚಿಕೊಂಡ ರಾಜ್ಯಗಳಿಂದ ಅಕ್ರಮ ವಲಸಿಗರು ದೇಶಕ್ಕೆ ಪ್ರವೇಶಿಸುತ್ತಿದ್ದಾರೆ. ಅದರಲ್ಲೂ ಗಡಿಯಲ್ಲಿ ಗೋಡೆ ಹಾರಿ ಬರುವವರೇ ಹೆಚ್ಚು.