ಕಿಕ್ಕೇರಿ: ಸಿಡಿಲು ಬಡಿದು ಎರಡು ಕೋಣ ಸಾವು!

ರೈತ ಮಹದೇವು ಅವರಿಗೆ ಸೇರಿದ ಈ ಕೋಣಗಳನ್ನು ಕೊಟ್ಟಿಗೆಯಲ್ಲಿ ಕಟ್ಟಿಹಾಕಿದ್ದ ವೇಳೆ ಸೋಮವಾರ ರಾತ್ರಿ ಕೋಣಗಳಿಗೆ ಸಿಡಿಲು ಅಪ್ಪಳಿಸಿದ ಪರಿಣಾಮ ಸ್ಥಳದಲ್ಲಿಯೇ ಕೋಣಗಳು ಸಾವಿಗೀಡಾಗಿವೆ.ಮನೆಯಲ್ಲಿದ್ದ ಕುಟುಂಬದವರು ಸಿಡಿಲಿನಿಂದ ಪಾರಾಗಿದ್ದಾರೆ.’₹2.50 ಲಕ್ಷ ಬೆಲೆಬಾಳುವ ಈ ಕೋಣಗಳನ್ನು ಖರೀದಿಗೆ ಬಂದರೂ ನಾನು ಕೊಡಲಿಲ್ಲ. ಖುಷಿಗಾಗಿ ನಾನೇ ಸಾಕಿಕೊಂಡಿದ್ದೇ’ಎಂದು ಮಹದೇವು ತಿಳಿಸಿದರು.ಸ್ಥಳಕ್ಕೆ ಪಾಂಡವಪುರ ಉಪವಿಭಾಗಾಧಿಕಾರಿ ಕೆ.ಆರ್. ಶ್ರೀನಿವಾಸ್ ಭೇಟಿ ನೀಡಿ ಸೂಕ್ತ ಪರಿಹಾರ ಕೊಡಿಸುವುದಾಗಿ ಭರವಸೆ ನೀಡಿದರು.