ಹುಬ್ಬಳ್ಳಿ :ಪೊಲೀಸ್ ಕಮಿಷನರ್ ಮುಂದೆ ನೊಂದ ಪತಿ ಕಣ್ಣೀರು!

ಗಂಡ ತನ್ನ ಪತ್ನಿಯಿಂದ ಹಿಂಸೆಗೊಳಗಾಗಿರುವುದಾಗಿ ಆರೋಪಿಸಿ, ಪೊಲೀಸ್ ಕಮಿಷನರ್ ಎನ್. ಶಶಿಕುಮಾರ್ ಅವರ ಮುಂದೆ ಕಣ್ಣೀರು ಹಾಕಿದ್ದಾನೆ.ನನ್ನ ಹೆಂಡತಿ ದಿನಂಪ್ರತಿ ನನ್ನನ್ನು ಹೊಡೆಯುತ್ತಾಳೆ, ಕಿರುಕುಳ ಕೊಡುತ್ತಾಳೆ’ ಎಂದು ಕಮಿಷನರ್ ಶಶಿಕುಮಾರ್ ಅವರ ಎದುರು ಕಣ್ಣೀರಿಟ್ಟಿದ್ದಾನೆ. ಈ ಘಟನೆ ಸ್ಥಳೀಯರಲ್ಲಿ ಚರ್ಚೆಗೆ ಕಾರಣವಾಗಿದೆ.ಪತ್ನಿಯ ಆರೋಪದಂತೆ, ಗಂಡ ಆಗಾಗ ವರದಕ್ಷಿಣೆಗಾಗಿ ಒತ್ತಾಯಿಸುತ್ತಿದ್ದನಂತೆ. ಇದರಿಂದ ಬೇಸತ್ತ ಪತ್ನಿ, ಕಾನೂನಿನ ರಕ್ಷಣೆಗಾಗಿ ಸಬ್ ಅರ್ಬನ್ ಪೊಲೀಸ್ ಠಾಣೆಗೆ ದೂರು ದಾಖಲಿಸಿದ್ದಾಳೆ. ಆದರೆ, ಈ ದೂರಿಗೆ ಪ್ರತಿಯಾಗಿ, ಗಂಡ ತಾನೇ ತನ್ನ ಪತ್ನಿಯಿಂದ ದೈಹಿಕ ಹಿಂಸೆಗೊಳಗಾಗುತ್ತಿರುವುದಾಗಿ ಆರೋಪಿಸಿದ್ದಾನೆ. ‘ನನ್ನ ಹೆಂಡತಿ ನನ್ನನ್ನು ದಿನವೂ ಹೊಡೆಯುತ್ತಾಳೆ, ಮಾನಸಿಕವಾಗಿ ಕಿರುಕುಳ ಕೊಡುತ್ತಾಳೆ. ಇದರಿಂದ ನಾನು ತೀವ್ರ ಒತ್ತಡದಲ್ಲಿದ್ದೇನೆ,’ ಎಂದು ಆತ ಕಣ್ಣೀರಿಟ್ಟು ತನ್ನ ಕಷ್ಟವನ್ನು ಕಮಿಷನರ್ ಎದುರು ವಿವರಿಸಿದ್ದಾನೆ.ನಾವು ಎರಡೂ ಕಡೆಯವರ ದೂರನ್ನು ಗಂಭೀರವಾಗಿ ಪರಿಗಣಿಸುತ್ತೇವೆ. ಈ ಪ್ರಕರಣದಲ್ಲಿ ಸೂಕ್ತ ತನಿಖೆ ನಡೆಸಿ, ಎರಡೂ ಕಡೆಯವರಿಗೆ ನ್ಯಾಯ ಒದಗಿಸಲಾಗುವುದು,’ ಎಂದು ಕಮಿಷನರ್ ಶಶಿಕುಮಾರ್ ಹೇಳಿದ್ದಾರೆ. ಈ ಘಟನೆಯಿಂದಾಗಿ, ದಂಪತಿಯ ನಡುವಿನ ಸಮಸ್ಯೆಯನ್ನು ಬಗೆಹರಿಸಲು ಕೌನ್ಸೆಲಿಂಗ್‌ನ ಆಯ್ಕೆಯನ್ನೂ ಪರಿಗಣಿಸಲಾಗುತ್ತಿದೆ ಎಂದು ತಿಳಿದುಬಂದಿದೆ.