ಅಪ್ರಾಪ್ತ ಬಾಲಕಿ ರೇಪ್ &ಮರ್ಡರ್.. ಶಂಕಿತ ಓಡಾಡಿರೋ ಸಿಸಿ ಕ್ಯಾಮೆರಾ ಫೋಟೋ ಲಭ್ಯ!

ಮೈಸೂರಲ್ಲ ಅಪ್ರಾಪ್ತ ಬಾಲಕಿಯ ರೇಪ್ & ಮರ್ಡರ್ ಕೇಸ್ ನಲ್ಲಿ ಪೊಲೀಸರು ತನಿಖೆ ಚುರುಕುಗೊಳಿಸಿದ್ದು ಆರೋಪಿಯ ಚಹರೆ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.ರೆಡ್ ಶರ್ಟ್, ಜೀನ್ಸ್ ಪ್ಯಾಂಟ್ ಧರಿಸಿರುವ ಶಂಕಿತ ಆರೋಪಿ ಒಬ್ಬನೇ ರೋಡ್ ನಲ್ಲಿ ಕೃತ್ಯವೆಸಗಿ ಹೋಗಿದ್ದಾನೆ. ಕಾಲಿನಲ್ಲಿ ಚಪ್ಪಲಿ ಇಲ್ಲದೆ ನಡೆದುಕೊಂಡೇ ಬಂದಿರುವ ಆರೋಪಿಯ ಫೋಟೋ ಬೆನ್ನತ್ತಿ ಇದೀಗ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಘಟನಾ ಸ್ಥಳದಿಂದ ನೂರು ಮೀಟರ್ ದೂರದಲ್ಲಿರುವ ಹಾರ್ಡಿಂಗ್ ಸರ್ಕಲ್ ಬಳಿಯ ಸಿಸಿ ಕ್ಯಾಮೆರಾದಲ್ಲಿ ಆತನ ದೃಶ್ಯ ಸೆರೆಯಾಗಿದೆ. ಆರೋಪಿ ಸೆರೆಗೆ ಮೂರು ತಂಡ ರಚಿಸಿರುವ ಪೊಲೀಸರು ಹೆಚ್ಚಿನ ತನಿಖೆ ಕೈಗೊಂಡಿದ್ದಾರೆ.