ಕೆರೆಗೆ ಈಜಲು ಹೋಗಿದ್ದ ಇಬ್ಬರು ಬಾಲಕರ ಸಾವು. 2 ದಿನದ ಬಳಿಕ ಪ್ರಕರಣ ಬಯಲಿಗೆ.

ಕೆರೆಯಲ್ಲಿ ಈಜಾಡಲು ಹೋಗಿದ್ದ ಇಬ್ಬರೂ ಬಾಲಕರು ನೀರಲ್ಲಿ ಮುಳುಗಿ ಸಾವನ್ನಪ್ಪಿರುವ ಘಟನೆ ಬೆಂಗಳೂರು ಹೊರವಲಯದ ಆನೇಕಲ್ ತಾಲೂಕಿನ ಬಳ್ಳೂರು ಗ್ರಾಮದಲ್ಲಿ ನಡೆದಿದೆ. ರೆಹಮದ್ ಬಾಬಾ (11) ಹಾಗೂ ಅನಿಕೇತ್ ಕುಮಾರ್ (12) ಇಬ್ಬರು ಮೃತ ಬಾಲಕರು. ರೆಹಮದ್ ಆಂಧ್ರಪ್ರದೇಶದ ಮೂಲದಿಂದ ಬಂದಿದ್ದ ದಂಪತಿಯ ಮಗನಾಗಿದ್ದಾನೆ.ಎರಡು ದಿನದಿಂದ ಇಬ್ಬರು ಮಕ್ಕಳು ಮನೆಗೆ ಬಂದಿರಲಿಲ್ಲ. ಪೋಷಕರು ಎಲ್ಲ ಕಡೆ ಹುಡುಕಾಡಿದ್ದರು. ಆದರೆ, ಭಾನುವಾರ ಬೆಳಗ್ಗೆ ಕೆರೆಯಲ್ಲಿ ಎರಡು ಶವಗಳು ಕಂಡು ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಪೊಲೀಸರು ಬಂದ ಬಳಿಕ ಬಾಲಕರ ಗುರುತು ಪತ್ತೆಯಾಗಿದೆ.ಈ ಸಂಬಂಧ ಅತ್ತಿಬೆಲೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿ ತನಿಖೆ ಕೈಗೊಂಡಿದ್ದಾರೆ.