ನಕಲಿ ದಾಖಲೆ ಸೃಷ್ಟಿಸಿ ಆಸ್ತಿ ವರ್ಗಾವಣೆ

ಶಿರ್ವ: ಬೆಳ್ಳೆ ಗ್ರಾಮದಲ್ಲಿರುವ ಸರ್ವೇ ನಂ. 333/4 ರಲ್ಲಿ 2.24 ಎಕ್ರೆ ಮತ್ತು ಸರ್ವೇ ನಂ. 333/4 ಪುಂಜದಲ್ಲಿ 0.46 ಎಕ್ರೆ ಜಮೀನನ್ನು ಮೂಡುಬೆಳ್ಳೆ ಕಟ್ಟಿಂಗೇರಿ ನಿವಾಸಿ ಶಿವ ಜಿ. ಯಾನೆ ಶಿವಾಜಿ ಮೂಲ್ಯ ಮತ್ತು ಮಲ್ಲಿಕಾ ಅವರು ಉಡುಪಿ ತಹಶೀಲ್ದಾರ್ ಮುಂದೆ ಕೃತಕ ಮತ್ತು ನಕಲಿ ದಾಖಲೆಗಳನ್ನು ಸಲ್ಲಿಸಿ ಕುಟುಂಬದ ಆಸ್ತಿಯನ್ನು ತಮ್ಮ ಹೆಸರಿಗೆ ವರ್ಗಾಯಿಸಿಕೊಂಡಿದ್ದಾರೆ ಎಂದು ಬಂಟಕಲ್ಲು ಬಾಳಿಮನೆ ನಿವಾಸಿ ಸದಾನಂದ ಮೂಲ್ಯ ದೂರು ನೀಡಿದ್ದಾರೆ. ನ್ಯಾಯಾಲಯದ ಖಾಸಗಿ ಪ್ರಕರಣದಂತೆ ಶಿರ್ವ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.