ಇಂಡಿ | ಮರಳಿಬಾರದ ಕೊಟ್ಟ ಹಣ: ವ್ಯಕ್ತಿ ಆತ್ಮಹತ್ಯೆ

ಕೈಗಡವಾಗಿ ಗೆಳೆಯರಿಗೆ ನೀಡಿದ ಹಣ ಮರಳಿ ಬಾರದ ಕಾರಣ ವ್ಯಕ್ತಿಯೊಬ್ಬರು ಮನನೊಂದು ಆತ್ಮಹತ್ಯೆ ಮಾಡಿಕೊಂಡ ಘಟನೆ ತಾಲ್ಲೂಕಿನ ತಡವಲಗಾ ಗ್ರಾಮದಲ್ಲಿ ಶನಿವಾರ ನಡೆದಿದೆ. ಕುಪೇಂದ್ರ ಮಳಸಿದ್ದಪ್ಪ ಮದರಿ (52) ಮೃತರು. ತಾಲ್ಲೂಕಿನ ನಾದ ಗ್ರಾಮದ ಆನಂದ ನ್ಯಾಮಗೌಡ ಅವರ ಒಡೆತನದ ನಾದ ಶುಗರ್ ಕಾರ್ಖಾನೆಯಲ್ಲಿ ಕೆಲಸ ಮಾಡುತ್ತಿದರು ಎಂದು ಹೇಳಲಾಗಿದೆ. ಈ ಕುರಿತು ಮೃತರ ಪತ್ನಿ ಕಲಾವತಿ ಕುಪೇಂದ್ರ ಮದರಿ ಹೊರ್ತಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಪ್ರಕರಣ ದಾಖಲಾಗಿದೆ.