ಪುಣೆ 4 ರ ಬಾಲಕಿ ಅತ್ಯಾಚಾರ-ಕೊಲೆ: ಉಸಿರುಗಟ್ಟಿಸಿದ್ದೇ ಸಾವಿಗೆ ಕಾರಣ

ಪುಣೆ : ಕಳೆದ ವಾರ ಪುಣೆಯಲ್ಲಿ ಲೈಂಗಿಕ ದೌರ್ಜನ್ಯ ಎಸಗಿ ಕೊಲೆ ಮಾಡಲಾಗಿತ್ತು ಎನ್ನಲಾದ ನಾಲ್ಕು ವರ್ಷದ ಬಾಲಕಿಯ ಸಾವಿಗೆ “ಉಸಿರುಕಟ್ಟುವಿಕೆ” ಕಾರಣ ಎಂದು ಶವಪರೀಕ್ಷೆ ವರದಿ ಸೂಚಿಸಿದೆ ಎಂದು ಪೊಲೀಸರು ಮಂಗಳವಾರ (ಮೇ 5)ತಿಳಿಸಿದ್ದಾರೆ. 65 ವರ್ಷದ ಆರೋಪಿಯು ಸಂತ್ರಸ್ತೆಯ ಬಾಯಿಗೆ ಬಟ್ಟೆಯನ್ನು ತುರುಕಿದ್ದಾನೆ, ಇದರಿಂದಾಗಿ ಉಸಿರುಗಟ್ಟಿದೆ ಎಂದು ಪೊಲೀಸರು ಹೇಳಿದರು. ಕಾರ್ಮಿಕನಾಗಿ ಕೆಲಸ ಮಾಡುವ ಆರೋಪಿಯ ಮೇಲೆ ಕ್ರಿಮಿನಲ್ ಹಿನ್ನೆಲೆ ಇದೆ. ಆತನ ಮೇಲೆ 1998 ಮತ್ತು 2015 ರಲ್ಲಿ ಲೈಂಗಿಕ ದೌರ್ಜನ್ಯದ ಆರೋಪ ಹೊರಿಸಲಾಗಿತ್ತು ನಂತರ ಎರಡೂ ಪ್ರಕರಣಗಳಲ್ಲಿ ಖುಲಾಸೆಗೊಳಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಶವಪರೀಕ್ಷೆ ವರದಿಯಲ್ಲಿ ಮಗುವಿನ ದೇಹದ ಮೇಲೆ ಗಾಯಗಳನ್ನು ಸಹ ಸೂಚಿಸಿದೆ ಎಂದು ಹೇಳಿದ್ದಾರೆ. ಮೇ 1 ರಂದು ಪುಣೆ ಜಿಲ್ಲೆಯ ಭೋರ್ ತೆಹ್ಸಿಲ್‌ನ ನರಸಾಪುರದಲ್ಲಿ ಬಾಲಕಿಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿ ಕೊಲೆ ಮಾಡಿದ್ದು ಭಾರಿ ಆಕ್ರೋಶ ಮತ್ತು ಪ್ರತಿಭಟನೆಗಳಿಗೆ ಕಾರಣವಾಗಿತ್ತು.