ಬೆಂಗಳೂರಿನಲ್ಲಿ ಶಾಲಾ ವಾಹನದ ಡೋರ್ ಓಪನ್; ರಸ್ತೆಗೆ ಬಿದ್ದ ಮಕ್ಕಳು –

ಬೆಂಗಳೂರು: ಕೆ.ಆರ್. ಪುರಂ ಸಮೀಪದ ಗಾಯತ್ರಿ ಲೇಔಟ್‌ನಲ್ಲಿ ಚಲಿಸುತ್ತಿದ್ದ ಶಾಲಾ ಓಮ್ನಿ ವಾಹನದ ಹಿಂಬದಿಯ ಡೋರ್ ಹಠಾತ್ ತೆರೆದುಕೊಂಡ ಪರಿಣಾಮ, ವಾಹನದಲ್ಲಿದ್ದ ಐವರು ಪುಟಾಣಿ ಮಕ್ಕಳು ರಸ್ತೆಗೆ ಬಿದ್ದ ಘಟನೆ ನಡೆದಿದೆ. ಅದೃಷ್ಟವಶಾತ್ ಹಿಂಬದಿಯಿಂದ ಯಾವುದೇ ವೇಗದ ವಾಹನಗಳು ಬರದ ಕಾರಣ ದೊಡ್ಡ ಅನಾಹುತ ತಪ್ಪಿದ್ದು, ಮಕ್ಕಳಿಗೆ ಸಣ್ಣಪುಟ್ಟ ಗಾಯಗಳಷ್ಟೇ ಆಗಿವೆ. ಸ್ಥಳೀಯರು ತಕ್ಷಣ ಮಕ್ಕಳಿಗೆ ನೆರವು ನೀಡಿದ್ದಾರೆ. ಘಟನೆಯ ಬಳಿಕ ಪೋಷಕರು ಹಾಗೂ ಸ್ಥಳೀಯರು ಚಾಲಕನ ನಿರ್ಲಕ್ಷ್ಯದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಪ್ರಕರಣ ಸಂಬಂಧ ಕೆ.ಆರ್. ಪುರ ಸಂಚಾರಿ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.