ಡಿಜಿಟಲ್‌ ಅರೆಸ್ಟ್‌ ಪ್ರಕರಣ: ವೃದ್ಧ ನಾಗರಿಕರಿಬ್ಬರನ್ನು ಬೆದರಿಸಿ 74 ಲಕ್ಷ ರೂ. ಸುಲಿಗೆ

ಉಡುಪಿ ಜಿಲ್ಲೆಯ ಬ್ರಹ್ಮಾವರದ 66 ವರ್ಷದ ಶೀಲಾ ಅವರಿಗೆ ನಕಲಿ ಪೊಲೀಸ್ ಅಧಿಕಾರಿಗಳು ವಾಟ್ಸಪ್ ವಿಡಿಯೊ ಕರೆ ಮಾಡಿ ‘ಡಿಜಿಟಲ್ ಅರೆಸ್ಟ್’ ಹೆಸರಿನಲ್ಲಿ ಬೆದರಿಸಿ ₹65 ಲಕ್ಷ ವಂಚಿಸಿದ್ದಾರೆ. ಮನಿ ಲಾಂಡರಿಂಗ್ ಪ್ರಕರಣದಲ್ಲಿ ಸಿಲುಕಿರುವುದಾಗಿ ಹೇಳಿ, ಪರಿಶೀಲನೆ ನೆಪದಲ್ಲಿ ಹಲವು ದಿನಗಳ ಕಾಲ ಹಣ ವರ್ಗಾವಣೆ ಮಾಡಿಸಿಕೊಂಡಿದ್ದಾರೆ. ಸಂಶಯಾಸ್ಪದ ಹಣ ವರ್ಗಾವಣೆಯ ಮಾಹಿತಿ ಪಡೆದ ಬ್ರಹ್ಮಾವರ ಪಿಎಸ್‌ಐ ಅಶೋಕ್ ಮಳಬಗಿ ತಕ್ಷಣ ಮಹಿಳೆಯ ಮನೆಗೆ ತೆರಳಿ ಮತ್ತಷ್ಟು ₹15 ಲಕ್ಷ ವಂಚನೆಯಾಗುವುದನ್ನು ತಡೆದಿದ್ದಾರೆ. ಮಹಿಳೆ ಆಸ್ತಿ ಮಾರಾಟದ ಹಣ ಹಾಗೂ ಕುಟುಂಬದ ಉಳಿತಾಯವನ್ನು ಈಗಾಗಲೇ ಕಳೆದುಕೊಂಡಿದ್ದರು. ಇದೇ ರೀತಿಯ ಡಿಜಿಟಲ್ ಅರೆಸ್ಟ್ ವಂಚನೆ ಪ್ರಕರಣಗಳಲ್ಲಿ ಉಡುಪಿಯ ಮತ್ತಿಬ್ಬರು ಹಿರಿಯ ನಾಗರಿಕರಿಂದ ₹22 ಲಕ್ಷ ಮತ್ತು ₹9.29 ಲಕ್ಷ ವಂಚಿಸಲಾಗಿದೆ. ಇಂತಹ ಕರೆಗಳಿಗೆ ಹೆದರದೆ ತಕ್ಷಣ ಸ್ಥಳೀಯ ಪೊಲೀಸ್ ಠಾಣೆ ಅಥವಾ 1930 ಸಹಾಯವಾಣಿ ಸಂಪರ್ಕಿಸುವಂತೆ ಪೊಲೀಸರು ಸಾರ್ವಜನಿಕರಿಗೆ ಎಚ್ಚರಿಕೆ ನೀಡಿದ್ದಾರೆ.