ಬಿಲ್ಲಾಡಿಯಲ್ಲಿ ರಬ್ಬರ್ ಕಳವಿಗೆ ಯತ್ನ: ತೋಟದ ಮಾಲಕನ ಮೇಲೆ ಹಲ್ಲೆ

ಬಿಲ್ಲಾಡಿ ಗ್ರಾಮದಲ್ಲಿ ರಬ್ಬರ್ ಕಳವು ಮಾಡಲು ಯತ್ನಿಸಿದ ವೇಳೆ ಉಂಟಾದ ಜಗಳದಲ್ಲಿ ತೋಟದ ಮಾಲೀಕ ಸಂತೋಷ್ ಮೇಲೆ ಚಾಕು ಹಾಗೂ ರಾಡ್‌ನಿಂದ ಹಲ್ಲೆ ನಡೆಸಲಾಗಿದೆ. ಪಕ್ಕದ ತೋಟದ ಕೆಲಸಗಾರರಾದ ಅಜಯನ್, ಮುರುಳಿ, ಮ್ಯಾಥ್ಯೂಸ್, ಬಿಬಿನ್ ಮತ್ತಿತರರು ತೋಟಕ್ಕೆ ಅಕ್ರಮವಾಗಿ ಪ್ರವೇಶಿಸಿ ರಬ್ಬರ್ ಕದಿಯಲು ಯತ್ನಿಸಿದ್ದರು ಎನ್ನಲಾಗಿದೆ. ಈ ವೇಳೆ ನಡೆದ ಮಾತಿನ ಚಕಮಕಿ ವಿಕೋಪಕ್ಕೆ ತಿರುಗಿದ್ದು, ಆರೋಪಿಗಳು ಸಂತೋಷ್ ಮೇಲೆ ಹಲ್ಲೆ ನಡೆಸಿದ್ದಾರೆ. ತಪ್ಪಿಸಿಕೊಳ್ಳುವ ಸಂದರ್ಭದಲ್ಲಿ ಸಂತೋಷ್ ಆಯತಪ್ಪಿ ಬಿದ್ದಿದ್ದಾರೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಹಣಕಾಸಿನ ವ್ಯವಹಾರವೇ ಘಟನೆಗೆ ಕಾರಣ ಎಂದು ಸಂತೋಷ್ ಅವರ ಸಹೋದರ ಜಾನಿ ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಿದ್ದಾರೆ.