Welcome to bigtvnews   Click to listen highlighted text! Welcome to bigtvnews
Breaking News

2.5 ಕಿಮೀ ಪ್ರವಾಹದಲ್ಲಿ ಈಜಿ, ಬಾಕ್ಸರ್​ನಲ್ಲಿ ಬೆಳ್ಳಿ ಪದಕವನ್ನು ಗೆದ್ದನಿಶಾನ್​ ಮನೋಹರ್​​ ಕದಂ

ಬೆಂಗಳೂರು:ಮನಸಿದ್ದರೆ ಮಾರ್ಗ ಎಂಬ ಒಂದು ಮಾತಿದೆ. ಈ ಮಾತನ್ನು ಅದೆಷ್ಟು ಜನ ನಿಜ ಮಾಡ್ತಾರೋ ಗೊತ್ತಿಲ್ಲ. ಆದ್ರೆ ಇಲ್ಲೋರ್ವ ಛಲ ಬಿಡದ ಯುವಕ ಈ ಮಾತನ್ನು ಸಾಬೀತು ಮಾಡಿದ್ದಾನೆ.ಬೆಳಗಾವಿ ಜಿಲ್ಲೆ ಮನ್ನೂರು ಗ್ರಾಮದ ನಿಶಾನ್​ ಮನೋಹರ್​​ ಕದಂ ಎಂಬ ಬಾಕ್ಸರ್​ ಕ್ರೀಡಾಪಟು 45 ನಿಮಿಷಗಳಲ್ಲಿ 2.5 ಕಿಮೀ ಪ್ರವಾಹದ ನೀರಿನಲ್ಲಿ ಈಜಿ ಹೋಗಿ ಬೆಳ್ಳಿ ಪದಕವನ್ನು ಗೆದ್ದಿದ್ದಾರೆ.ಹೌದು, ಆಗಸ್ಟ್​​ 7ರಂದು ಬೆಂಗಳೂರಿನಲ್ಲಿ ರಾಜ್ಯ ಮಟ್ಟದ ಬಾಕ್ಸಿಂಗ್​ ಚಾಂಪಿಯನ್​ಶಿಪ್​ ಇತ್ತು. ಆದರೆ ಆ ಸಮಯದಲ್ಲಿ ಬೆಳಗಾವಿ ಸುತ್ತಮುತ್ತ ಭೀಕರ ಪ್ರವಾಹ ಇದ್ದು, ಎಲ್ಲಾ ಹಳ್ಳಿಗಳು ಮುಳುಗಡೆಯಾಗಿದ್ದವು. ಈ ಪ್ರವಾಹದಲ್ಲಿ ಸಿಲುಕಿದ್ದವರ ಪೈಕಿ ಮನ್ನೂರು ನಿವಾಸಿ ನಿಶಾನ್ ಮನೋಹರ್ ಕದಂ ಒಬ್ಬರಾಗಿದ್ದರು.ಈ ಕ್ರೀಡಾ ಪಟು ಆಗಸ್ಟ್ 7 ರಂದು ಬೆಂಗಳೂರಲ್ಲಿ ನಡೆಯಲಿದ್ದ ಬಾಕ್ಸಿಂಗ್ ಚಾಂಪಿಯನ್‌ಶಿಪ್‌ನಲ್ಲಿ ಪಾಲ್ಗೊಳ್ಳಬೇಕಿತ್ತು. ಆದರೆ ಅವರ ಗ್ರಾಮ ನೀರಲ್ಲಿ ಮುಳುಗಿತ್ತು. ಕತ್ತು ಮಟ್ಟದವರೆಗೆ ಆ ಪ್ರದೇಶದಲ್ಲಿ ನೀರು ತುಂಬಿತ್ತು. ಮನ್ನೂರು ಊರಿಗೆ ಸಂಪರ್ಕ ಕಲ್ಪಿಸುತ್ತಿದ್ದ ಮೂರು ರಸ್ತೆಗಳು ಸಹ ಪ್ರವಾಹದಿಂದ ಹಾನಿಯಾಗಿದ್ದವು.ಆದರೆ ನಿಶಾನ್​​​ ತಂದೆ ಚಾಂಪಿಯನ್​ಶಿಪ್​ನಲ್ಲಿ ಭಾಗವಹಿಸಬೇಕೆಂದಿದ್ದ ಮಗನ ಆಸೆಗೆ ತಣ್ಣಿರೆರೆಚಲಿಲ್ಲ. ಕ್ರೀಡೆಯಲ್ಲಿ ಭಾಗಿಯಾಗೆಂದು ಮನೋಹರ್​ಗೆ ಧೈರ್ಯ ತುಂಬಿದರು. ನಂತರ ಬಾಕ್ಸಿಂಗ್ ಕಿಟ್ ಅನ್ನು ಪ್ಲಾಸ್ಟಿಕ್​ನಲ್ಲಿ ಸುತ್ತಿಕೊಂಡು ಬರೋಬ್ಬರಿ 2.5 ಕಿಮೀ ಈಜಿ ಬೆಳಗಾವಿಗೆ ಸಂಪರ್ಕ ಕಲ್ಪಿಸುವ ರಸ್ತೆ ಬಳಿ ತಲುಪಿದರು. ಇನ್ನು 3.45ಕ್ಕೆ ಈಜಲು ಪ್ರಾರಂಭಿಸಿದ ನಿಶಾನ್​ 4.30ಕ್ಕೆ ರಸ್ತೆ ಸೇರಿದರು. ನಂತರ ತಮ್ಮ ತಂಡದೊಂದಿಗೆ ರೈಲಿನಲ್ಲಿ ಬೆಂಗಳೂರು ಸೇರಿದರು.ಕೊನೆಗೂ ನಿಶಾನ್​ ಬೆಂಗಳೂರು ತಲುಪಿ ಬಾಕ್ಸಿಂಗ್​ನಲ್ಲಿ ಬೆಳ್ಳಿ ಪದಕವನ್ನು ಗೆದ್ದೇ ತೀರಿದರು. ಇನ್ನು ಈ ಬಗ್ಗೆ ಮಾತನಾಡಿರುವ ನಿಶಾನ್​​, ನಾನು ಈ ದಿನಕ್ಕಾಗಿ ಕಾಯುತ್ತಿದ್ದೆ. ಈ ಸಂದರ್ಭವನ್ನು ಯಾವುದೇ ಕಾರಣಕ್ಕೂ ಮಿಸ್​ ಮಾಡಿಕೊಳ್ಳಲು ನಾನು ಬಯಸಿರಲಿಲ್ಲ ಎಂದು ಹೇಳಿದ್ದಾರೆ. ಪ್ರವಾಹ ಇದ್ದಿದ್ದರಿಂದ ಯಾವ ವಾಹನವೂ ಗ್ರಾಮದೊಳಗೆ ಬರಲು ಸಾಧ್ಯವಾಗುತ್ತಿರಲಿಲ್ಲ. ಇನ್ನು ಈಜಿ ಹೋಗದ ಹೊರತು ಬೇರೆ ದಾರಿ ಕಾಣಲಿಲ್ಲ ಅಂತ ತಮ್ಮ ಕಷ್ಟವನ್ನು ನಿಶಾನ್​ ಬಿಚ್ಚಿಟ್ಟರು.ಈ ಬಾರಿ ನನ್ನ ಬ್ಯಾಡ್​​ ಲಕ್​ನಿಂದ ಚಿನ್ನದ ಪದಕವನ್ನು ಮಿಸ್​ ಮಾಡಿಕೊಂಡಿದ್ದೇನೆ. ಆದ್ರೆ ಮುಂದಿನ ಬಾರಿ ನಾನು ಚಿನ್ನದ ಪದಕವನ್ನು ಪಡೆದೇ ತೀರುತ್ತೇನೆ ಎಂದು ನಿಶಾನ್​ ವಿಶ್ವಾಸದ ಮಾತುಗಳನ್ನಾಡಿದ್ದಾರೆ.

Spread the love

About admin

Check Also

ರಾಹುಲ್​ ದ್ರಾವಿಡ್​ ಗೆ ಕ್ಲೀನ್​​ ಚಿಟ್​ ನೀಡಿದ ಕ್ರಿಕೆಟ್​ ಸಲಹಾ ಸಮಿತಿ

ಮುಂಬೈ: ಅಂಡರ್​​​-19 ಹಾಗೂ ರಾಷ್ಟ್ರೀಯ ಕ್ರಿಕೆಟ್​ ಅಕಾಡೆಮಿ ನಿರ್ದೇಶಕರಾಗಿರುವ ರಾಹುಲ್​ ದ್ರಾವಿಡ್​ಗೆ ಭಾರತೀಯ ಕ್ರಿಕೆಟ್​ ಮಂಡಳಿ ನೋಟಿಸ್​​ ಜಾರಿ ಮಾಡಿರೋದಕ್ಕೆ …

Leave a Reply

Your email address will not be published. Required fields are marked *

You cannot copy content of this page
Click to listen highlighted text!