ಚೈನಾದಲ್ಲಿ ಉದ್ಘಾಟನೆಯಾಯಿತು ವಿಶ್ವದ ಅತೀ ಉದ್ದದ ಸಮುದ್ರ ಸೇತುವೆ

ಹಾಂಗ್​ಕಾಂಗ್​​​: ಚೈನಾದ ಅಧ್ಯಕ್ಷ ಕ್ಸಿ ಜಿನ್​ಪಿಂಗ್​ ಇಂದು ದಕ್ಷಿಣ ಚೀನಾದಲ್ಲಿ ಜಗತ್ತಿನ ಅತಿ ಉದ್ದದ ಹಾಂಗ್ ಕಾಂಗ್-ಝುಹೈ-ಮಕಾವು ಎನ್ನುವ ಸಮುದ್ರ ಸೇತುವೆಯನ್ನು ಉದ್ಘಾಟಿಸಿದ್ದಾರೆ. ಇದು ಚೀನಾದ ಆರ್ಥಿಕ ಉದಾರೀಕರಣಕ್ಕೆ ಸಹಕಾರಿಯಾಗಲಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.ಈ ಸೇತುವೆಯ ವಿಶೇಷತೆ ಏನು?ಹಾಂಗ್ ಕಾಂಗ್-ಝುಹೈ-ಮಕಾವು ಹೆಸರಿನ ಈ ಸೇತುವೆ ಸುಮಾರು 35 ಕಿಮೀ ಉದ್ದವಿದೆ. ಇದು ರಸ್ತೆ ವಿಭಜಕಗಳನ್ನು ಹೊಂದಿದೆ. ಅಲ್ಲದೇ 6.7 ಕಿಮೀ ಸುರಂಗ ಮಾರ್ಗವನ್ನು ಸಹ ಹೊಂದಿದೆ. ಇದು ಜಗತ್ತಿನ ಅತಿ ಉದ್ದದ ಸೇತುವೆ ಮತ್ತು ಸುರಂಗ ಮಾರ್ಗ ಎನ್ನುವ ದಾಖಲೆಗೆ ಪಾತ್ರವಾಗಿದೆ. ಇದು ಹಾಂಗ್​​ ಕಾಂಗ್​ನ್ನು ಗುವಾಂಗ್ಡಾಂಗ್ ಪ್ರಾಂತ್ಯದ ಕಡಿಮೆ ಅಭಿವೃದ್ಧಿ ಹೊಂದಿದ ಪ್ರದೇಶದ ಜೊತೆ ಸಂಪರ್ಕಿಸುತ್ತದೆ. ಇದರ ನಿರ್ಮಾಣಕ್ಕೆ 120 ಶತಕೋಟಿ ಡಾಲರ್​ ಖರ್ಚಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇದು ಹಾಂಗ್ ಕಾಂಗ್​​​​​​​​​​​ ಪ್ರಾದೇಶಿಕ ವಾಯುಯಾನ ಮತ್ತು ಲಾಜಿಸ್ಟಿಕ್ಸ್ ಹಬ್ ಆಗಿ ಏಕೀಕರಣಗೊಳ್ಳಲಿದೆ.