ಪತ್ರಕರ್ತೆ ಅತ್ಯಾಚಾರ ಆರೋಪಕ್ಕೆ ಸಂಬಂಧ 'ಸಮ್ಮತ'ವಾದದ್ದು ಎಂದ ಅಕ್ಬರ್

ನವದೆಹಲಿ: ಮಾಜಿ ಕೇಂದ್ರ ಸಚಿವ ಎಂ.ಜೆ ಅಕ್ಬರ್​​ ಅವರ ವಿರುದ್ಧ ಅಮೇರಿಕಾ ಮೂಲದ ಪತ್ರಕರ್ತೆ ಪಲ್ಲವಿ ಗೊಗೋಯಿ ಅತ್ಯಾಚಾರ ಆರೋಪ ಮಾಡಿದ ಹಿನ್ನೆಲೆಯಲ್ಲಿ, ಅಕ್ಬರ್​ ಪ್ರತಿಕ್ರಿಯೆ ನೀಡಿದ್ದಾರೆ. ನಾವಿಬ್ಬರೂ ಪರಸ್ಪರ ಒಮ್ಮತದಿಂದ ಸಂಬಂಧದಲ್ಲಿದ್ದೆವು. ಆದ್ರೆ ಆ ಸಂಬಂಧ ಸರಿಯಾಗಿ ಅಂತ್ಯವಾಗಲಿಲ್ಲ ಎಂದು ಅಕ್ಬರ್​ ಹೇಳಿದ್ದಾರೆ.1994ರ ಸಮಯದಲ್ಲಿ ನಾನು ಹಾಗೂ ಪಲ್ಲವಿ ಪರಸ್ಪರ ಸಹಮತದೊಂದಿಗೆ ಸಂಬಂಧ ಆರಂಭಿಸಿದೆವು. ಈ ಸಂಬಂಧ ಕೆಲವು ತಿಂಗಳವರೆಗೆ ಇತ್ತು. ಇದರಿಂದ ನನ್ನ ಸಾಂಸಾರಿಕ ಜೀವನಕ್ಕೂ ತೊಂದರೆಯಾಯಿತು. ಆದ್ರೆ ಈ ಸಂಬಂಧ ಹೆಚ್ಚು ದಿನ ಉಳಿಯಲಿಲ್ಲ ಎಂದು ಅಕ್ಬರ್​ ಹೇಳಿದ್ದಾರೆ. ನನ್ನ ಜೊತೆ ಕೆಲಸ ಮಾಡಿದವರಿಗೆ ನಾವಿಬ್ಬರೂ ಹೇಗಿರುತ್ತಿದ್ದೆವು ಎನ್ನುವುದು ಗೊತ್ತಿತ್ತು. ಪಲ್ಲವಿಯ ವರ್ತನೆ ನೋಡಿದಾಗ ಆಕೆ ಬಲವಂತದಿಂದ ಕೆಲಸ ಮಾಡಿಕೊಂಡಿದ್ದರಾ ಎಂದು ಯಾರಿಗೆ ಬೇಕಾದ್ರೂ ಕೇಳಿ ಎಂದಿದ್ದಾರೆ.ಇನ್ನು, ಈ ವಿಷಯದಲ್ಲಿ ಅಕ್ಬರ್​ ಪತ್ನಿ ಮಲ್ಲಿಕಾ ಅಕ್ಬರ್​ ಕೂಡ ಪತಿಯನ್ನ ಸಮರ್ಥಿಸಿಕೊಂಡಿದ್ದಾರೆ. ಅಕ್ಬರ್​ ಹಾಗೂ ಪಲ್ಲವಿ ಪರಸ್ಪರ ಸಹಮತದಿಂದ ಇದ್ದುದನ್ನು ಮಲ್ಲಿಕಾ ಕೂಡ ಒಪ್ಪಿಕೊಂಡಿದ್ದಾರೆ. ಇದು ನಡೆದಿರುವುದು 20 ವರ್ಷಗಳ ಹಿಂದೆ. ಪಲ್ಲವಿ ನಮ್ಮ ಮನೆಯಲ್ಲಿ ಅಶಾಂತಿಗೆ ಕಾರಣವಾಗಿದ್ದರು ಎಂದು ಹೇಳಿದ್ದಾರೆ.ಇವರಿಬ್ಬರೂ ತಡರಾತ್ರಿ ಫೋನ್​ನಲ್ಲಿ ಮಾತಾಡುತ್ತಿದ್ದುದು ಹಾಗೂ ನನ್ನ ಮುಂದೆಯೇ ಸಲುಗೆಯಿಂದ ವರ್ತಿಸುತ್ತಿದ್ದುದನ್ನು ಕಂಡು ನನಗೆ ಇವರಿಬ್ಬರ ಬಗ್ಗೆ ಅನುಮಾನ ಬಂದಿತ್ತು. ಈ ಬಗ್ಗೆ ನನ್ನ ಪತಿಯನ್ನ ಪ್ರಶ್ನಿಸಿದ್ದೆ. ಆಗ ಅವರು ಕುಟುಂಬಕ್ಕೆ ಮಹತ್ವ ಕೊಡಲು ನಿರ್ಧರಿಸಿದರು. ಪಲ್ಲವಿ ಈ ರೀತಿ ಯಾಕೆ ಸುಳ್ಳು ಹೇಳ್ತಿದ್ದಾರೆ ಅನ್ನೋದು ಗೊತ್ತಿಲ್ಲ. ಆದ್ರೆ ಆಕೆ ಹೇಳುತ್ತಿರುವುದು ಸುಳ್ಳು ಎಂದು ಮಲ್ಲಿಕಾ ಹೇಳಿದ್ದಾರೆ.