ಗೌರಿಹತ್ಯೆ ಪ್ರಕರಣದ 2ನೇ ಮಧ್ಯಂತರ ಚಾರ್ಜ್‌ಶೀಟ್ ರೆಡಿ..

ಬೆಂಗಳೂರು: ವಿಚಾರವಾದಿ ಪತ್ರಕರ್ತೆ ಗೌರಿ ಲಂಕೇಶ್ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿ ಇದೀಗ ನ್ಯಾಯಾಲಯ 2 ನೇ ಮಧ್ಯಂತರ ಚಾರ್ಜ್‌ಶೀಟ್‌ ಸಲ್ಲಿಸಲು ಮುಂದಾಗಿದೆ. ಚಾರ್ಜ್‌ಶೀಟ್‌ ಸಲ್ಲಿಸಲು ನ್ಯಾಯಾಲಯದಿಂದ ಎಸ್‌ಐಟಿ 180 ದಿನ ಗಡುವು ತೆಗೆದುಕೊಂಡಿತ್ತು. ಸದ್ಯ ಚಾರ್ಜ್​ಶೀಟ್​ ರೆಡಿ ಮಾಡುತ್ತಿರುವ ಎಸ್​ಐಟಿ ಇದೇ ತಿಂಗಳ 27 ನೇ ತಾರೀಖಿನ ಒಳಗೆ ಚಾರ್ಜ್‌ಶೀಟ್ ಸಲ್ಲಿಸಲಿದೆ. 16 ಆರೋಪಿಗಳ ವಿರುದ್ಧ ಬರೋಬ್ಬರಿ 400 ಕ್ಕೂ ಹೆಚ್ಚು ಮಂದಿಯ ಸಾಕ್ಷಿ ಸಂಗ್ರಹ ಮಾಡಿರುವ ಎಸ್​ಐಟಿ ಇದೇ 27 ರಂದು ಸೆಷನ್ಸ್​ ಕೋರ್ಟ್​ನಲ್ಲಿ ಚಾರ್ಜ್​ಶೀಟ್​ ಸಲ್ಲಿಸಲಿದೆ. ಇನ್ನೂ ಪ್ರಕರಣದಲ್ಲಿ ಕೆಲ ಆರೋಪಿಗಳೇ ಸಾಕ್ಷಿಗಳಾಗಿದ್ದಾರೆ ಎನ್ನಲಾಗ್ತಿದ್ದು ಫಸ್ಟ್‌ನ್ಯೂಸ್‌ಗೆ ಎಸ್ಐಟಿ ಉನ್ನತ ಮೂಲಗಳಿಂದ ಮಾಹಿತಿ ಲಭ್ಯವಾಗಿದೆ.