Breaking News

ಟ್ರಂಪ್​ ವಿರುದ್ಧ ಸಿಡಿದೆದ್ದ ಪಾಕ್​ ಪ್ರಧಾನಿ ಇಮ್ರಾನ್.

ಇಸ್ಲಾಮಬಾದ್​: ಪಾಕಿಸ್ತಾನ ಕೇಡು ಬಗೆಯುವ ಕೆಲಸ ಮಾಡಬಾರದು ಅಂತಾ ಕಿಡಿಕಾರಿದ್ದ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ವಿರುದ್ಧ ಪಾಕ್ ಪ್ರಧಾನಿ ಇಮ್ರಾನ್​ ಖಾನ್ ಸರಣಿ ಟ್ವೀಟ್​ ವಾರ್ ನಡೆಸಿದ್ದಾರೆ. ಈಗಾಗಲೇ ವಾಷ್ಟಿಂಗ್ಟನ್ ಮತ್ತು ಇಸ್ಲಾಮಾಬಾದ್​ ನಡುವಿನ ಸಂಬಂಧ ಹಳಸಿದೆ. ಪಾಕ್​ ಮತ್ತು ಅಫ್ಘಾನಿಸ್ತಾನದ ಮೇಲೆ ಉಗ್ರರು ನಿರಂತರವಾಗಿ ದಾಳಿ ನಡೆಸುತ್ತಿದ್ದಾರೆ. ಉಗ್ರರಿಗೆ ಯಾರು ಸಹಾಯ ಮಾಡುತ್ತಿದ್ದಾರೆ ಅಂತ ಗೊತ್ತಿದೆ. ಪಾಕಿಸ್ತಾನವನ್ನು ದೂಷಿಸಲು ನಿಮ್ಮ ಬಳಿ ನಿಖರವಾದ ದಾಖಲೆಗಳಿವೆಯೇ ಅಂತಾ ಇಮ್ರಾನ್ ಖಾನ್ ಪ್ರಶ್ನಿಸಿದ್ದಾರೆ.9/11 ರಂದು ನಡೆದ ದಾಳಿಯಲ್ಲಿ ಪಾಕಿಸ್ತಾನ ಭಾಗಿಯಾಗಿಲ್ಲ. ಆದ್ರೆ ಪಾಕ್​ ಅಮೆರಿಕಾ ಯುದ್ಧದಲ್ಲಿ ಭಾಗವಹಿಸಿತ್ತು. ಆ ಯುದ್ಧದಲ್ಲಿ 75,000 ಸಾವು ನೋವುಗಳು ಸಂಭವಿಸಿದ್ದವು. ಅಷ್ಟೇ ಅಲ್ಲದೇ ಆ ಯುದ್ಧ್ದದಿಂದ 123 ಬಿಲಿಯನ್ ಡಾಲರ್​ ಆರ್ಥಿಕ ನಷ್ಟವುಂಟಾಯಿತು. ಆದ್ರೆ, ಅಮೆರಿಕಾ ಕೇವಲ 20 ಬಿಲಿಯನ್ ಡಾಲರ್​ ಕೊಟ್ಟು ಕೈ ತೊಳೆದುಕೊಂಡಿತು ಅಂತಾ ಇಮ್ರಾನ್ ಖಾನ್ ಟ್ರಂಪ್ ವಿರುದ್ಧ ಕಿಡಿಕಾರಿದ್ದಾರೆ.ಟ್ರಂಪ್​ ಹೇಳಿದ್ದೇನು..?ಭಯೋತ್ಪಾದನೆ ನಿರ್ಮೂಲನೆಗಾಗಿ ಪಾಕ್​ಗೆ ವರ್ಷಕ್ಕೆ 1.3 ಬಿಲಿಯನ್ ಡಾಲರ್​ ಅಮೆರಿಕಾ ನೀಡುತ್ತಿತ್ತು. ಟೆರರಿಸ್ಟ್​ ಒಸಾಮಾ ಬಿನ್​ ಲಾಡೆನ್ ಪಾಕಿಸ್ತಾನದ ಬಂಗಲೆಯೊಂದರಲ್ಲಿ ವಾಸ ಮಾಡ್ತಿದ್ದ ವಿಷಯ ಪಾಕಿಸ್ತಾನದಲ್ಲಿ ಬಹುಜನರಿಗೆ ತಿಳಿದಿತ್ತು. ನಮ್ಮಿಂದ ಸಹಾಯ ಪಡೆದುಕೊಂಡು ನಮಗೆ ಕೇಡು ಬಗೆಯುವಂತಹ ಕೆಲಸ ಪಾಕಿಸ್ತಾನ ಮಾಡುತ್ತಿತ್ತು ಅಂತಾ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್ ಹೇಳಿದ್ದರು.

Share News

About Shaikh BIG TV NEWS, Hubballi

Check Also

ಅನಂತಕುಮಾರ ಹೆಗಡೆ ವಿರುದ್ಧ ತೀವ್ರ ವಾಗ್ದಾಳಿ….

ದಾವಣಗೆರೆ: ಮುಖ್ಯ ಸಿಎಂ ಸಿದ್ದರಾಮಯ್ಯ ಅವರ ಬಗ್ಗೆ ಏಕವಚನದಲ್ಲಿ ಬಿಜೆಪಿ ಉತ್ತರ ಕನ್ನಡ ಸಂಸದ ಅನಂತಕುಮಾರ ಹೆಗಡೆ ಮಾತನಾಡಿರುವ ಕುರಿತು …

Leave a Reply

Your email address will not be published. Required fields are marked *

You cannot copy content of this page